المساعد الشخصي الرقمي

مشاهدة النسخة كاملة : اللي خلص المستوى الاول يدخل



صقرالادارة
27-08-11, 06:02 AM
بسم الله الرحمن الرحيم
السلام عليكم ورحمته الله وبركاته

ياشباب كل واحد درس عند دكتور في المستوى الأول
درس هاذي المواد ينصحني إنا رجال محفظ قران
سريع النسيان أبي دكاترة كويسين والله ياشباب مالكم
إلى الدعاء الله يوفق من يساعدني في الأدنياء والآخرة
مستوى الاول
1)قران1—قر101
2)الرياضيات المالية—مال118
3)مبادي الإحصاء –احص110
4)الحديث النبوي –سنه252
5)التوحيد –عقد102
6)تاريخ المملكة –ترخ209
7)اللغة الانجليزية – نجل141
8)أخلاقيات المهنة – ثقف107

وش أحسن دكاترة دارسوك هاذي المواد وش المادة في هادا المستوى الصعبة وش هي السهلة

الانجليزي ماهو لسينق أو ريدي نق أو قرامر رايتنق

مشكورين معليش على الاطاله بس الله يوفق من رد علي وفهمني

binke
27-08-11, 06:20 AM
ما قدر أفيدك من ناحية الأساتذة بس المواد كلها سهله جدا
اما بنسبه للانجليزي سهل لسن يعني استماع تستمع الي قطعه يحددها الاستاذ ويعطيك أسأله
تجاوب عليها من الي نسمعه اما الرايتق لقرائه الي تقرونه بالقاعه والرايتق الي تكتبه مثل الأسي الي هو المقال
وهذا اتوقع بالمستوي الثاني والبريقراف الي هو التعبير
بس
موفق وتري المستوي جدا سهل

binke
27-08-11, 06:21 AM
اي بقى القرمر عادي قواعد سهله كنا نا خذها بثنوي

صقرالادارة
27-08-11, 01:53 PM
مشكورين على اللي افادوني بس اخواني انا فاهم

بس الانجليزي المستوى الاول بس لسينيق

طيب شبااااب وش وضع الكتب من وين نشتريهاااا ولازم كل المواد نشتري كتب جديدة ولا عايدي ماتفرق

طيب هي كتب المطلوبة ولا ملخصات وكم سعرهااا تقريبا وافضل مكتبة تبيعاها

يا سبايب جنوني ,,
27-08-11, 03:45 PM
لا تستعجل , إذا بدت الدراسة يحددون لك الدكاترة الكتب اللي يبونها , وكانك تبي كتب جديدة تلقاها عند العبيكان(للانقليزي)
وكانك تبي مستعمل (ترى سعره بكتب الانقليزي ما يفرق كثير) تلقاهن عند محلات الكتب المستعملة.

binke
27-08-11, 04:26 PM
جديد مستعمل علي كيفك انت الي بتذاكر فيه
وممكن تلقى بعد الكتب في مكتبة اضواء المستقبل الي فالملز

راح أرسلك وقمهم ع الخاص عندهم كل الكتبΩ

سعد النصراوي
27-08-11, 05:57 PM
ما شاء الله عليكم مستعجل عالدراسه

لا تخاف المستوى الاول سهل بس يبغالك تجيب لك مدرس رياضيات

والباقي سهل

وبخصوص الانجليزي في دكتور اسمه مصطفى منصور لو جاك هذا افضل دكتور انجليزي ولا تخاف الانجليزي سهل

وبخصوص الكتب اذا بدى الترم كل دكتور يختار على كيفيه

والله يوفقك يا عزيزي

ععززووزز
28-08-11, 12:03 AM
السلام عليكم ..
بالنسبه للرياضيات الماليه افضل دكتور : عماد المذيوبي .. لكن ممكن يتغيرون الدكاتره ..
الاحصاء : عصام امين ..
التاريخ : الشقحاء او الشيحه ..
توحيد : محمد السلطان ..
هذا الي اذكررره ..
وبالتوفيق للجميع ..

صقرالادارة
28-08-11, 12:36 PM
مشكور اخوي ودي اجيب معدل عالي عشان اريح بعدين بس مابقى شي كله ايام وماودي يقفلون الشعب بعدين اتحسف

يا سبايب جنوني ,,
29-08-11, 03:31 AM
مشكور اخوي ودي اجيب معدل عالي عشان اريح بعدين بس مابقى شي كله ايام وماودي يقفلون الشعب بعدين اتحسف

حسب اللي اعرفه انك ما تقدر تختار ولا تعدل شيء بالمستوى الأول !!
يعني زي التحضيري ينزل لك جدول ويحددون لك شعبه وخلاص !
والجدول تلقاه بالخدمات الذاتيه

عبدالله ناصر
29-08-11, 07:41 AM
1)قران1—قر101 العويد ( ممتاز بس غيابة واجد )
2)الرياضيات المالية—مال118 عماد المذيوب ( افضل دكتور رياضيات للمستوى الاول للترم الماضي)
3)مبادي الإحصاء –احص110
4)الحديث النبوي –سنه252 ما اذكرة
5)التوحيد –عقد102 محمد الشهري ( انصحك به)
6)تاريخ المملكة –ترخ209 الشيحة ( انسان متقلب)
7)اللغة الانجليزية – نجل141 مصطفى منصور ( انصحك به )
8)أخلاقيات المهنة – ثقف107 السيد ( انصحك به )

لاتنسانا من دعاك

Rayan SeveN
03-09-11, 03:35 PM
القرآن شحاته البناء وبسسسسسسس

شباب مستوى ثاني مانزلت الجداول ؟؟؟

سُـقيا
03-09-11, 08:20 PM
^^
نرلت بالسجل الاكاديمي بدون شعب مجرد مواد بس


مستوى اول كان سهل ممتنع ولله الحمد
التوحيد والحديث والتاريخ واخلاقيات أتفففه شي بالمستوى احفظ وامشي :icon322:
المال اذا انت مو مرة دور لك عل ى مدرس لانه متعب صراحة اما اذا كنت علمي فهو سهل عليك
الاحصا ركز اول باول هو سهل لكن لو تتراكم عليك القوانين ماراح تقدر توفي كل اللي عليك تحفظ القانون وتطبق بس
دروس البداية تااافهه ندرسها بالمتوسط والثانوي الوسط والوسيط والمنوال وكيف ارسم ، النهاية تححوس شي بس احفظ وربي يسهل لك كل عسير
والانجليزي نفس مواد التحضييري بشكل اطور شوي تكرار تقريباً يعني قرامر ، ليسن ،اما الرريد ورايت بكتاب واحد

دعواتِك

Scofield
04-09-11, 05:08 AM
1)قران1—قر101
الشهري ..شحاته

2)الرياضيات المالية—مال118
درسني واحدد معيد
3)مبادي الإحصاء –احص110
هالماده ما فيها دكتور صاحي الا نصر محروس واظنه يدرس مستوى ثاني بس

4)الحديث النبوي –سنه252
عبدالصمد عبدالقدوس اظن اسمه كذا والله ناسيه الله يذكره بالخير من سنتين مدرسني

5)التوحيد –عقد102

ما اعتقد انك بتعاني من هالماده
6)تاريخ المملكة –ترخ209

الشيحه بطل احفظ وبس
7)اللغة الانجليزية – نجل141

مصطفى منصور

8)أخلاقيات المهنة – ثقف107
ابراهيم طلبه محترم مرررره وخلوق



المستوى الاول تافه جدا
الرياضيات والاحصاء تافه بعد ما راح تصعب عليك

افق
04-09-11, 10:16 AM
اخوي افضل الدكاتره الي درسة عندهم المستوى الاول هم 1-اخلاقيات المهنه د.عبدالله الموسى دكتور محترم وتعامل راقي ودرجات عاليه ويحب المشاركه 2 - احصاء دكتور مصري اعتقد اسمه حسن محمد علي دكتور ممتاز جدا وشرحه روعه ويعطي درجات لابأس بها . اللغه الانجليزيه مقسمه على ثلاث دكاتره . باقي المواد انت وحضك وبصفه عامه المستوى الاول سهل لاكن ما اعتقد انك تقدر تختار الدكاتره او الشعب وبالتوفيق اخوي واتمنى اني افدتك

time is up
04-09-11, 10:37 AM
*















يآ شبآب آلمستوى آلآول مآ تقدر تعدل عليه آبدآ آلآ حذف موآد فقط
لآن آلكلية تنزل لك آلجدوآل آلآ آن كآن تغير آلنظآم عن آول

ابو رائد الخالدي
04-09-11, 01:53 PM
بالنسبه للمستوى الاول سهل ومافيه من الصعوبه وبالنسبه للدكاتره :

1_رياضيات ماليه .. درسوني اثنين لأني رسبت فيها واخذتها صيفي وانصحك تاخذ عند عماد
2_ احصاء .. خذها عند حسن محمد علي دكتور اكثر من رائع
3_تاريخ .. درسني خالد ال هميل شرح واحترام ودرجات تاخذ أ وانت مغمض
4_توحيد .. درسني عمر العيد جيد لكن الاسئله شوي صعبه
5_حديث .. درسني عبدالرحمن الفيروائي هندي ,, قلق في المحاضره لكن خذ درجات
6_اخلاقيات المهنه .. درسني عبدالله الموسى أ+ وانت مغمض ومحترم جدا
7_ اللغه الانجليزيه .. درسوني ثلاثه وكلهم كويسين
8_ قرآن .. درسني سعود الغنيم وحذفت عنده شديد في الحفظ مررره