المساعد الشخصي الرقمي

مشاهدة النسخة كاملة : ((( الترم الصيفي ))) - نقاش و أرآء



iH0pe
22-02-2013, 03:21 PM
السلام عليكم ورحمة الله وبركاته



بدون مقدمات ، هنا راح نتكلم عن الترم الصيفي ..
مثل ما أنتوا عارفين ، الصيف اللي فات كان للمستويات الأخيرة فقط (من خامس وفوق) ، ولا قدرنا نسوي شيء وسكتنا ..

لكن بالنسبة للصيف هذا يقولون مافي ترم صيفي من الأساس !!
معليش هنا لازم نتكلم ، كثيييير مننا محتاجين الترم الصيفي ، يعني ماله داعي آخذ ترم زيادة عشان كم مادة وأنا "المفروض" إني أقدر آخذهم بالصيفي !

هنا راح نتكلم ونقول أرآئنا ، وإذا شفنا ان في عدد كبير من الطالبات محتاجينه راح نقدر نرفع خطاب ونشوف حل لهالسالفة ..



رجاءً بنات ، أرآئكم ونقاشاتكم بدون شتم ..

:star:

e_l
22-02-2013, 04:41 PM
بصراحه الترم الصيفي صار لابد منه خاصه بعد إلغاء اختبار التعارض ..

نوف الحلوة
22-02-2013, 05:00 PM
كل ترم يقلون مافيه ترم صيفي وبالاخير يصير فيه

P!NK
22-02-2013, 05:24 PM
المفروض فية ترم صيفي مثل الصيف الي راح انا شيكت علي موقع القبول والتسجيل لقيتهم حاطين الاخنبارات ب ١٠ - ١٠ !!!
لازم يحطون ترم صيفي لانه من جد يساعد المتعثرات وياليت ينزلون مواد القرآن !!!

بندر آل
22-02-2013, 05:58 PM
الترم الصيفي مفيد جدآ مو بس للي بيتخرجون
حتى الطلاب بالمستويات المتوسطه
لو رسبوا في ماده يقدرون يعوضون في الصيفي و يخلصون متطلباتهم

سوسن الزهرة
22-02-2013, 05:59 PM
مين قال مافيه ؟؟ كل سنه لازم يقولون كذا
في التقويم الجامعي حاطين انه فيه وبالتواريخ وموعد التسجيل والاختبارات

Naruto-Kun
22-02-2013, 06:08 PM
مين قال مافيه ؟؟ كل سنه لازم يقولون كذا
في التقويم الجامعي حاطين انه فيه وبالتواريخ وموعد التسجيل والاختبارات

دايم بهالمنتدا تقولون مافي مافي وبالاخير يقولون لنا الجامعه من قال انه مافي
خلاص كل سنه بيكون فيها ترم صيفي
شوفو التقويم الجامعي دايم موجود سوا للاولاد والا بنات

iH0pe
22-02-2013, 08:48 PM
وحدة من البنات قالت انها سألت دكتورة نهيدة وقالت هالسنة ما فيه ..

L A T O O F
22-02-2013, 11:03 PM
+



التيرم الماضي من خامس وفوق .. وفعلآ نبي صيفي ولازم نطالب من الحين .. أنا مستعدةة آجمع آسمائكم وآوصلها للوكيل مركز الطالبات الدكتور آحمد العضيب .. بس بليز لآزم يكون ف تعاون من الكل وآنشرو الحملةة ومستعدة اعطيكم آيميلي ترسلو عليه ..!

A-S
23-02-2013, 12:04 AM
دكتورة نهيدة والإشراف يقولون مافيه صيفي للبنات
صح الترم اللي راح قالوا مافيه صيفي بس نزلوا مواد من مستوى خامس وفوق وغير كذا المواد قليلة
لازم نتكلم من الحين ونطالب بالصيفي

LoLi_
23-02-2013, 05:00 AM
l a t o o f
أنا أشوف هالموضوع المفروض ينضبط وضعه بأسرع وقت !!!!
إذا على الأسماء فيبي لك تضبطين وضعك طالبة وحده من كل قاعة ! و هي اللي تتكلف بجمع أسماء البنات و تواقيعهم لك ..
يكون أسرع لك .. و صدقيني ما فيه أحد بيرفض !

Najlas
23-02-2013, 02:50 PM
اعتقد ان لازم نطالب ونجمع تواقيع بنات وانا مستعده اساعدكم
محتاجين للترم الصيفي مرره يساعد خصوصا للي يتعثرون ويحذفون مواد

L A T O O F
24-02-2013, 09:36 AM
l a t o o f
أنا أشوف هالموضوع المفروض ينضبط وضعه بأسرع وقت !!!!
إذا على الأسماء فيبي لك تضبطين وضعك طالبة وحده من كل قاعة ! و هي اللي تتكلف بجمع أسماء البنات و تواقيعهم لك ..
يكون أسرع لك .. و صدقيني ما فيه أحد بيرفض !




صعبه آدور كلآس كلآس بخبر صاحباآتي وآنشر آيميلي ينشروه وآنتو كمآن

فقط آرسلو الآسم مع الرقم الجآمعي ..

وهذا ايميلي dawn.rise@hotmail.com

A-S
27-02-2013, 09:46 PM
لطوف ايش صار على الأسماء كم عدد الأسماء اللي وصلت لك ؟

دنهل دنهل
27-02-2013, 09:55 PM
أنا لقيت في التقويم الجامعي للسنة هذي الفصل الصيفي متى يبدأ وامتى ينتهي .. لكن الغريب وقت الأمتحان النهائي للفصل الصيفي يبدأ من 10/10/1434 الى 14/10/1434 يعني بعد العيد ؟؟؟ اذا الله عطانا عمر هل التاريخ ذااااا ثابت والا يقدمون الامتحانات؟

M A H A
27-02-2013, 11:29 PM
أولاً / يوجد صيفي .
ثانياً / حتى لو مافي صيفي ، ترى تقدرون تاخذون بجامعة ثانيه ، الملك سعود مثلاً بتنسيق بين الجامعتين ..


موفقين

سوسن الزهرة
28-02-2013, 02:05 PM
أولاً / يوجد صيفي .
ثانياً / حتى لو مافي صيفي ، ترى تقدرون تاخذون بجامعة ثانيه ، الملك سعود مثلاً بتنسيق بين الجامعتين ..


موفقين


جامعه سعود الترم اللي راح ماكان عندهم

وحتى لو فيه التنسيق والمعادله بينهم صعب وكله اجراءات مو سهل زي مانتوقع

We_We
03-03-2013, 10:55 PM
معكم وبققووووه ..
ملينا نبي نتخرج !

**دنـــــو**
04-03-2013, 04:17 PM
ابسط حق من حقوقنا انه يكون لنا صيفي
لا تعارض ولا صيفي بصراحه عيب يالامام

Muhra
04-03-2013, 05:43 PM
بنات اليوم ع عجل شفت بنر كبير عن حقوق الطالب اكيد لهم مكتب او اي شيء روحو لهم
غير كذا ماابي احطمكم بس سمعت من مس نهيدة انو مافي صيفي هـ الترم عشان راح ينقلوا للمدينة الجامعية !

LoLi_
04-03-2013, 08:36 PM
^^^^^^^^^^^^^
أنا قلته للبنات ! أن ما فيه صيفي هالسنة عشان نقلنا للمدينة الجامعية !
بس حتى و لو ! خلونا ندرس صيفي بمبنى التحضيري في المدينة الجامعية ! ايش المانع ؟

Cydia
06-03-2013, 05:54 AM
زي كل الناس تطلع هالاشاعة

بيكون فيه ترم صيفي ما تخافوش

آه ياخوفي
11-03-2013, 08:10 PM
في صيفي لا تخافون يبون الفكه منا ترى عادي

idontcare
18-03-2013, 07:40 PM
السلام عليكم

بسألكم أقدر أخذ مادة صيفي في جامعة ثانية غير الامام لأن المادة الي ابيها ماراح تنزل في الامام في الصيف من مواد التخصص

L A T O O F
21-03-2013, 01:28 PM
لطوف ايش صار على الأسماء كم عدد الأسماء اللي وصلت لك ؟

مآجاني الا 15 اسم بس آيش المشكلة مدري !
حتى صآحباتي مآرسل منهم الا وحده ولآ اعرف هل هو خوف آو تكاسل آو آيش المشكلة ..

الزين مبتليني
21-03-2013, 10:53 PM
في شي غريب شلون اختبارات الفصل الصيفي ب ١٠/١٠ !

مو كانها قويه شويه! كل العطله صارت دراسه مايمدينا نخلص نروح نبدا ندرس! يستهبلون ولا ايش بالظبط!

L A T O O F
22-03-2013, 02:30 PM
^ يَ رب بالغلط كاتبينه لان مايستبعد عنهم التعجيز عشان مانتخرج :/

حلمي سبب همي
23-03-2013, 11:48 PM
ان شاء الله فيه صيفي مصخوها ترى كل سنه نفس الموال

L A T O O F
24-03-2013, 10:34 AM
^ يَ رب والله ضاق خلقي ومن التعارض احس يقولو عادي جيبو آغراضكم واسكنو ف الجامعه يحسبو ماورانا الا هما !

الزين مبتليني
24-03-2013, 10:03 PM
آن شآء الله غلطانين!

المشكله للحين مارسينا ع بر ماراح نعرف وشو الخبر الاكيد الا اذا فتحو تسجيل المواد للصيفي

بنات شطحه هل فعلا الدكتوره تقدر تدخل موقع الجامعه وتشوف السجل الاكاديمي لكل طالبه؟؟

iH0pe
26-03-2013, 02:32 AM
بنات شطحه هل فعلا الدكتوره تقدر تدخل موقع الجامعه وتشوف السجل الاكاديمي لكل طالبه؟؟



ما أتوقع عندهم الصلاحية بهالشيء ..

iH0pe
26-03-2013, 02:34 AM
السلام عليكم

بسألكم أقدر أخذ مادة صيفي في جامعة ثانية غير الامام لأن المادة الي ابيها ماراح تنزل في الامام في الصيف من مواد التخصص



ايه ، تروحين لهم كطالبة زائرة ..

الزين مبتليني
28-03-2013, 03:06 PM
ما أتوقع عندهم الصلاحية بهالشيء ..

استاذه معاها ماستر بس ومابقى بنت ماشرشحتها تقول دخلت للنظام وشفت كل وحده كيف وضعها ولقيت بنت حامله نص مواد الانقلش :|

سوسن الزهرة
28-03-2013, 11:31 PM
في شي غريب شلون اختبارات الفصل الصيفي ب ١٠/١٠ !

مو كانها قويه شويه! كل العطله صارت دراسه مايمدينا نخلص نروح نبدا ندرس! يستهبلون ولا ايش بالظبط!

اتوقع مسوين كذا عشان مايبون طلاب كثير يسجلون

سوسن الزهرة
28-03-2013, 11:32 PM
مآجاني الا 15 اسم بس آيش المشكلة مدري !
حتى صآحباتي مآرسل منهم الا وحده ولآ اعرف هل هو خوف آو تكاسل آو آيش المشكلة ..


لطوف ليش ماتسوين اعلانات وتحطينها في مكان في الجامعه مع ايميلك
لان المنتدى كثير مايعرفونه ولا يدخلونه

دنهل دنهل
28-03-2013, 11:40 PM
استاذه معاها ماستر بس ومابقى بنت ماشرشحتها تقول دخلت للنظام وشفت كل وحده كيف وضعها ولقيت بنت حامله نص مواد الانقلش :|

هههههاي

أذكر دكتور التفسير في المستوى الأول ( وهو من الدكاترة اللي خارج الكلية ) كان يقول اذا جاني طالب او طالبة راسب بمادتي و يشتكي من اني ظالمه ادخل واشوف وضعه , اذا كان شاطر وبس مادتي اللي راسب بها براجع ورقته ,,,, ومن السوالف اللي ذكرها قال جاني أبو طالبة يشتكي لي ويقول بنتي شاطرة مارسبت ولا مرة , هذي اول مرة ترسب وعندك ومادري ايش يققول دخلت على سجلها الاكاديمي من مكتبي ( الظاهر عن طريق الكشف بما ان فيه الرقم الجامعي لكل طالب ) ولقيتها راسبة بثلاث مواد من غير مادتي وقلت لابوها وتلخبط الظاهر ماعلمته ,,,,,,,,

دنهل دنهل
28-03-2013, 11:42 PM
اذا قصدك ايمان البشري اللي ماستر من نيوكاسل فهي والله أخس ما خلق ربي

دنهل دنهل
28-03-2013, 11:46 PM
اصلا كل كمبيوتر بمكتب الدكتور بس يدخل الرقم الجامعي ويشوف كل شيء
نفس كمبيوترات حقين الحذف والاضافة تعطيه بس الرقم الجامعي ويدخل والا لا ؟

هيفاء احمد
29-03-2013, 03:22 PM
السلام عليكم
بنات انا من جامعة الملك سعود_قسم الادب الانجليزي
وابغا اخذ صيفي بجامعتكم
بليز اول مايجيكم خبر بالمواد الي راح تنزل اكتبوها
وشكرا

L A T O O F
29-03-2013, 03:41 PM
اصلا كل كمبيوتر بمكتب الدكتور بس يدخل الرقم الجامعي ويشوف كل شيء
نفس كمبيوترات حقين الحذف والاضافة تعطيه بس الرقم الجامعي ويدخل والا لا ؟
له رقم سري ورقم دخول مثلنا .، لكن ايش الاشياء الي مسموح يشوفها مدري !

السمرة
30-03-2013, 08:52 PM
ليه ماعندكم صيفي ؟؟؟؟؟؟؟؟؟؟؟؟؟؟؟؟؟؟؟؟؟
السلام عليكم
بنات انا من جامعة الملك سعود_قسم الادب الانجليزي
وابغا اخذ صيفي بجامعتكم
بليز اول مايجيكم خبر بالمواد الي راح تنزل اكتبوها
وشكرا

الزين مبتليني
01-04-2013, 10:11 PM
اصلا كل كمبيوتر بمكتب الدكتور بس يدخل الرقم الجامعي ويشوف كل شيء
نفس كمبيوترات حقين الحذف والاضافة تعطيه بس الرقم الجامعي ويدخل والا لا ؟

لااا ليته ايمان البشري مير ايمان ذي انا متأكده انها متلاعبه بمعدلات البنات الترم الي راح بس هي راحت وجعلها ماترجع

لا الي متفلسفه علينا وحده توهااا جديده اول مره تدرس..

يبدولي من كلامها هي انو يمديهم كل شي يشوفونهم ع قولتك من الرقم الجامعي! وضع الطالبه وايش المواد الي نجحتها وكم اخذت فيها! صراحه فيه خرق للخوصيه :|

Muhra
02-04-2013, 08:55 PM
مااتوقع بس الأرشاد الأكاديمي إللي يقدرون , إما الباقين مايمديهم مايلحقون على الكل , اتوقع بس تبي تخوفكم .

أتمنى تفيدنا أستاذه الدانه عن صحة الخبر :)

ا.الدانة السويلم
03-04-2013, 11:25 PM
مااتوقع بس الأرشاد الأكاديمي إللي يقدرون , إما الباقين مايمديهم مايلحقون على الكل , اتوقع بس تبي تخوفكم .

أتمنى تفيدنا أستاذه الدانه عن صحة الخبر :)


الامر ممكن و زميلاتي كان باستطاعتهم استخدام هالخاصية

لكني ما قد استخدمتها ولا سالت عنها باعتبار ان اي طالبة عندي من حقها تفتح صفحة جديدة

ولو شكيت بوضع طالبة رفعت امرها بخطاب للاشاد الاكاديمي او الاشراف الطلابي حسب الحاجة


عموما لكل استاذ اسلوبه الخاص لفهم الطلاب و من حقه استخدام الوسائل المتاحة له

Muhra
05-04-2013, 07:22 PM
أحسوه ماله داعي فيه تعدي
ع العموم الله يسعدك

Dodoo
06-04-2013, 11:52 PM
بنات هو فيه صيفي ان شاء الله ، لكن المشكلة في وقت الترم الصيفي ، يعني مسألة انو الاختبارات راح تكون في 10 / 10 مرررة إجحاف في حقنا بالذات انو مافيه تعارض

لطوف انا مستعدة أعطيك اسمي عشان يكون تقويم الترم الصيفي مثل كل سنة

هيفاء احمد
07-04-2013, 05:17 PM
ليه ماعندكم صيفي ؟؟؟؟؟؟؟؟؟؟؟؟؟؟؟؟؟؟؟؟؟


لو عندنا ما أخذت عندكم

L A T O O F
08-04-2013, 10:03 AM
بنات هو فيه صيفي ان شاء الله ، لكن المشكلة في وقت الترم الصيفي ، يعني مسألة انو الاختبارات راح تكون في 10 / 10 مرررة إجحاف في حقنا بالذات انو مافيه تعارض

لطوف انا مستعدة أعطيك اسمي عشان يكون تقويم الترم الصيفي مثل كل سنة
خلآص اوكي بس ترآ لآزم نرفع ف اسرع وقت وبحاول ارسل واجمع من الاسبوع الجاي السبت برسلها والله يسهل علينا ()

akram ahmad
09-04-2013, 02:19 PM
في صيفي ان شاء الله الترم ذا من المستوى الثالث الى اخر مستوي
الاول والثاني ما في صيفي والله اعلم
هذا الكلام شفتو مكتوب على ورقة في الكلية والتسجيل بدا
خاااااااااااص للطلاب
اما الطالبات والله ماادري ان كان الورقة الي شفتها تشمل الطالبات ولا لا
ولكم جزيل الشكر

L A T O O F
09-04-2013, 04:27 PM
^ ابشرك واحنا كمان وربي يوفقنا ويتمم الصيفي ع خير وينجحنا ()

Tif
10-04-2013, 12:21 AM
‏​الى طلاب وطالبات جامعة الإمام من جميع الأقسام
بخصوص الترم الصيفي تم تأخير الدراسه الى 23 رمضان و الامتحانات النهائية تبدأ في 10/10و تنتهي في14/10 ما بعد عيد الفطر علما بأن امتحانات النهائية كانت تنتهي في منتصف رمضان
تكلمنا مع سكرتيرة الشؤون التعليميه نجلاء المحيمد
بأن نعيد نظام الترم الصيفي كما كان سابقا من حيث وقت الدراسه والاختبارات
كان ردها كالآتي :يتم اجتماع الطالبات وكتابه خطاب للأستاذ عبدالعزيز العمري وهم يتكفلون برفعه اليه
فلابد من اجتماع الطالبات لتنفيذ ذلك
فعلى من ترغب بعودة النظام السابق حضورها يوم ألسبت في البريك مقابل مكتب نجلاء المحيميد
موقعه:الدور الثاني الممر الذي يربط بين الأصول والحاسب (الكراسي الصفراء)
أو ذهاب أولياء أمور الطالبات للأستاذ نفسه

أكرر الموضوع يشمل جميع الأقسام
تنويه "موقع الاجتماع في مدينه الملك عبدالله مبنى 24

بلييز من البنات جميعا، الكل يروح لآنو الوقت مناسب حتى ولو ماراح تنزلين صيفي المصلحه للجميع ف يد الله مع الجماعه وخلونا نتعاون على الخير في غيرنا محتاج

أيضا يرجى التكرم بالنشر لتصل إلى من يهمه الموضوع

ksa_wow
11-04-2013, 05:46 AM
مين قال مابوه صيفي امس الاربعاء كنت في مكتب الدكتور مصطفى انور منسق الجداول وقال الصيفي موجود و على رغباتكم ورغبات الدكاتره بالصيف وانو اكثر من 15 تقريبا طالب راح نفتح الشعبه بالماده اللي تبون واللي صار تمت قردنه كم طالب واقناعهم بالصيف لأنهم كانوا يقولو الصيف حقنا خخخخ. نزلت اللنقوستك م3 وكم ماده معي نفرين لعل وعسا ههههه

L A T O O F
11-04-2013, 06:22 AM
^ احنا البنات صيفي العام ماكان فيه مع ان كثير الي يبغون وهالتيرم نزلو بس وقته ابداً مو حلو ..

ksa_wow
11-04-2013, 10:15 AM
انا ماعمري اخذت صيفي لاكن بتتيسر و ان شاء الله خير والله يوفق الجميع :watermelon:

L A T O O F
11-04-2013, 12:32 PM
^ الصيفي حلو خصوصا للي ف المستويات الاًولى سهل ويخفف كثير ضغط والله يوفقنا جميعاً .،

وانصح فيه لكل ..

إسْراءَ بنتُ إبراهيمْ
12-04-2013, 10:37 AM
بنات، كم وحده ودها تأخذ صيفي عشان مادة نظريات اللغة م6 والنقد الأدبي م6؟ أحس بيطيح هم كبير إذا توفقت بالصيفي واخذتهم فيه، لأنهم المادتين الوحيدات اللي دسمات وثقيلات دم في مستوى سادس

ظايعه بالطوشه
12-04-2013, 09:37 PM
حرام عليهم ليه كذا التعارض و حذفوه و سكتنا و الحين الصيفي بالموت قالو انه فيه
و يوم حطوه لعبو بالوقت طيب اذا كذا بندرس طول السنه و ما نعطل ابد شايفينا كمبيوترات
توقيت الصيفي الاول كان مرررره مناسب ليه الحين غيروه
ما اقول الا حسبي الله عليهم و نعم الوكيل اللي كرهونا بالدراسه زود ما حنا كارهينه

TRY DONT CRY
15-04-2013, 09:37 AM
ياليت و الله ينزلوون نقد 6 ونظريات 6:sorrow:

warm tears
15-04-2013, 03:24 PM
ايش صاار؟؟؟

رح يتغير الوقت او لا؟؟

ياليت تعلمونا بالتطوراات..

مالت بس
16-04-2013, 06:52 PM
طيب لو كان فيه صيفي نظام المواد كيف بيكون ؟
ااقصد اللي بتنزل؟ على حسب طلب البنات ولا هم ينزلون على كيفهم؟

ksa_wow
16-04-2013, 07:02 PM
طيب لو كان فيه صيفي نظام المواد كيف بيكون ؟
ااقصد اللي بتنزل؟ على حسب طلب البنات ولا هم ينزلون على كيفهم؟

أقرأ ردي اللي فوق ,:peaceful:

ثانوي منتسب
17-04-2013, 12:01 AM
الامر ممكن و زميلاتي كان باستطاعتهم استخدام هالخاصية

لكني ما قد استخدمتها ولا سالت عنها باعتبار ان اي طالبة عندي من حقها تفتح صفحة جديدة

ولو شكيت بوضع طالبة رفعت امرها بخطاب للاشاد الاكاديمي او الاشراف الطلابي حسب الحاجة


عموما لكل استاذ اسلوبه الخاص لفهم الطلاب و من حقه استخدام الوسائل المتاحة له

ومن حق الطالب ان ينزل المواد المتاحه له والمطلوبه منه بدون الانتظار في صفوف طويله في مكتب الارشاد عشان ينزلها وعلى حسب مزاج الموظف اذا يبغى ينزلها له ولا يقول له رح لوكيل الكلية ولا في عمادة القبول والتسجيل ولا يختصر له كل شي ويقول اذا عندك واسطه كلمه
ومن حق الطالب ان يعرف ماهي المواد المتاحة له في الصيف عشان لا يتفاجىء بالمواد الي نازله
ومن حق الطالب ان يكون بالجامعه "مكتب لحقوق الطالب ومسؤولياته" كأي جامعة محترمه
ومن حق الطالب ان يعترض على الدرجة بدون ان يخفس فيه الاستاذ الدرجه اذا كان ماخذ في الفاينل فول مارك ينزل درجات المشاركه

ksa_wow
17-04-2013, 02:14 PM
ومن حق الطالب ان ينزل المواد المتاحه له والمطلوبه منه بدون الانتظار في صفوف طويله في مكتب الارشاد عشان ينزلها وعلى حسب مزاج الموظف اذا يبغى ينزلها له ولا يقول له رح لوكيل الكلية ولا في عمادة القبول والتسجيل ولا يختصر له كل شي ويقول اذا عندك واسطه كلمه
ومن حق الطالب ان يعرف ماهي المواد المتاحة له في الصيف عشان لا يتفاجىء بالمواد الي نازله
ومن حق الطالب ان يكون بالجامعه "مكتب لحقوق الطالب ومسؤولياته" كأي جامعة محترمه
ومن حق الطالب ان يعترض على الدرجة بدون ان يخفس فيه الاستاذ الدرجه اذا كان ماخذ في الفاينل فول مارك ينزل درجات المشاركه

1- طيب احس طريقتهم ماشين تمام ياصاحبي نفس جامعه سعود من ناحية الترم الصيفي يشوفو اول رغبات الدكاتره المتاحين هل له رغبه يداوم بالصيف .؟ وأن داوم بعد ف الاولويه للمستويات 8 والاقل ثم الاقل, لازم يشوفون رغبة اغلبية الطلاب بعدين يفتحون شعبه وهاذا اللي سووه ومشكورين وانا شفت القائمه مستوى رابع وخامس اللي بينزل بالصيف وعدد اسامي الطلاب في كل ماده ^^ ,, شكل ماعمرك اخذت صيفي ههههه من جدك تنزل مفاجاه .؟ لا ياحبيبي بعد مانخلص اختبارات الترم هاذا على خير ونفس كل سنة ينزل جدول بالمواد بالصيف وتسجيل واضافه لمدة 3 ايام من السبت الى الاثنين اذكر واختار المواد على كيفك ^^ ,, بخصوص انك تقول من حق الطالب ان يكون بالجامعه مكتب لحقوق الطالب ومسؤلياته هههههه انت مسؤؤل عن نفسك منتب في ثانوي واذا لك حق فيه المرشد الاكاديمي ومايقصر واذا ما أفادك رح للوكيل وميه بالميه بيفيدك ولو ما أفادك رح للعميد ويضبطك توقيع واحد بثواني وانت تضحك بدون واسطه على قولتك ولا مايحزنون ^^ , وتقول من حق الطالب ينزل المواد المتاحه له بدون انتظار . أوكي بأجاوبك ههههههه تشوف الزحمه اللي تصير كل ترم ؟ مع احترامي لهم يتعبون انفسهم على غير سنع لان الارقام المرجعيه موجوده بالموقع تقدر تنزل وتحذف وتضيف وتعدل اللي تبي وانت بالبيت والزحمه اللي تصير والله اعلى للي عندهم تعارض وخلاص الغو شيء اسمه تعارض من الترم اللي راح وكمان اللي مايعرفو يدخلو الموقع , وانا لي 4 اترام بالجامعه ومعدلي 4.66 ولا عمري صفيت ولاشيء لبة قلبك هههههه ,,, واي شيء تبي تسئلني فيه صدقني مابقصر انت او اي احد من الاخوان :victorious:

ثانوي منتسب
18-04-2013, 08:52 PM
من شفتك تقول الارقام المرجعيه وانا غاسل يدي حبيبي انا اقصد الي عندهم متطلبات ولا يقدرون ينزلونها والي عندهم تعديل بالجداول مايقدرون يعدلون بالموقع الا لازم يروحون الجامعه وبخصوص مكتب حقوق ادخل قوقل واكتب students office wrights واكتب اسم اي جامعه امريكيه ولا برييطانيه وادخل اقرى عنها
نصيحه لا تدرعم قبل لاتعرف وش السالفه

ksa_wow
19-04-2013, 09:46 AM
يمكن لاكن عن نفسي واللي اعرفهم منتظمين ماواجهوا اللي تقول عنه الا اللي حاذفين ومخربين الدعوى , يمكن ماعندي سالفه شكلي ولا كأني درست في البترول والمعادن لاكن انا قاعد اتكلم عن المنتظمين والغير متعثرين بالخطه وصراحه ماعرف شيء عن الانتساب والمتعثرين ,, students office wrights اجل خخخخ انت اعرف والله بالجامعات البريطانيه و .. الخ ,, لاكن انت تبشر بس وش تبي شيء ثاني امرني ياجدي غير اللي طلبته فوق اكلم ابا الخيل :concern:

تماديت باحلامي
20-04-2013, 08:40 PM
متى يفتح التسجيل للترم الصيفي ؟؟؟؟

قصة حب وقلبين
21-04-2013, 07:17 PM
انا وحدة صراحه اطالب بالصيفي لان مابقى لي الا مادتين

Noufasf
21-04-2013, 07:28 PM
انا ادرس في جامعة الدمام و ابي اعرف شنو المواد اللي بتنزل عندكم صيفي عشان اقدر اعرف اذا تتناسب مع موادنا و اقدر اخذ عندكم كزائره ،، شكرا لكم مقدما

salha
21-04-2013, 07:39 PM
يمكن لاكن عن نفسي واللي اعرفهم منتظمين ماواجهوا اللي تقول عنه الا اللي حاذفين ومخربين الدعوى , يمكن ماعندي سالفه شكلي ولا كأني درست في البترول والمعادن لاكن انا قاعد اتكلم عن المنتظمين والغير متعثرين بالخطه وصراحه ماعرف شيء عن الانتساب والمتعثرين ,, students office wrights اجل خخخخ انت اعرف والله بالجامعات البريطانيه و .. الخ ,, لاكن انت تبشر بس وش تبي شيء ثاني امرني ياجدي غير اللي طلبته فوق اكلم ابا الخيل :concern:


احنا عندنا في مركز دراسة الطالبات فرع النفل مكتب اسمه ( وحدة حقوق الطالبات ) في الدور الأول في مبنى اللغة الإنجليزية فيه أستاذات كويسات و يسمعون لشكوى الطالبات أذا ماقدروا يأخذون حقوقهم من الجهة المسؤولة سواء مكتب أشراف اللغة الإنجليزية أو مكتب أشراف الشبكة و عادة يحاولون يحلون المسألة بأنفسهم و اذا ماقدروا اكتبوا خطاب و رفعوه

NouFun
21-04-2013, 08:00 PM
كم اقصى عدد للساعات المسموحة بالتسجيل ؟ هل هو نفس قبل ١٢ ؟
لاني سمعت انهم زادوه لـ ٢٠ !!
بس مو متأكدة !

Noufasf
21-04-2013, 09:10 PM
ممكن احد يعطيني لينك لخطة القسم ؟

L A T O O F
21-04-2013, 11:18 PM
انا ادرس في جامعة الدمام و ابي اعرف شنو المواد اللي بتنزل عندكم صيفي عشان اقدر اعرف اذا تتناسب مع موادنا و اقدر اخذ عندكم كزائره ،، شكرا لكم مقدما
ترا بيعكون لك كزائرة لكن خلي احد الرجال يروح لقسم الرجال يحل الموضوع

بتنزل مواد التخصص فقط من مستوى 3 شوفيها بنزلها بردي الثاني تبع خطة القسم

L A T O O F
21-04-2013, 11:19 PM
ممكن احد يعطيني لينك لخطة القسم ؟

هذا اللينك حقها ..
http://i.imgur.com/ZGRCD.jpg

Vov
22-04-2013, 08:52 AM
طالبات و طلاب الانجليزي
انا مستوى ثالث ايش تنصحوني اخذ مواد في الصيفي ؟ من المستويات الباقيه اللي هي 4 + 5 او 6 + 7
واذا اقدر اخذ كم ماده مسموح فيها ؟
ياليت تردون ..

L A T O O F
22-04-2013, 11:37 AM
^ انصحك بترجمةة وروايه لان هالمادتين متطلبات لمستوى ٧ و ٨ وهما اصعب شيء

Vov
22-04-2013, 04:02 PM
مشكورة طيب لو باخذ ماده ثالثه وش اخذ من هاذولي
1- تراكيب لغه
2- صوتيات
3- مسرحية
4- شعر
5- كتابة مقال

ضاااايعه مدري وش اخذ وانا ابي اخفف ضغط علي بالسمستر الجاي انشالله بكون مستوى رابع

ابي الكل يعطيني رايه

و مشكورة مره ثانيه

L A T O O F
22-04-2013, 04:34 PM
^ خذ شعر اذا بتقدر بس ماتوقع لان الترجمةة ٣ ساعات و والرواية ساعتين ووبيصيرو بالصيفي ١٠ ساعات

ولاتقدر تاخذ اكثر من ١٢ ساعة وماتقدر تاخذ بالساعتين هذي شيء

لكن تقدر اذا تبي فُل مواد الادب لان دايم ثقيلة حيل ويبغا لها تركيز وشغل والصيفي افضل شيء لهم ..

Muhra
22-04-2013, 04:38 PM
تدرين شتأخذين صوتيااات وشعرر اصعب شيء وبالصيفي راح يكون الوقت مختصر واكيد شبكات والرجال حلويين بالصيفي ولا تكاليف ولاشيء بس الميد والفاينل
لاحظي الصوتيات اربع مدري ثلاث ساعات يمكن ماتقدرين تدخلين معها إلا ماده أو مادتين , أما لباقي سهلين المسرحية سهله وحسب الاستاذه إللي تمسكه والتراكيب اسهل شيء والمقال يعتمد على الطالب
وإذا قدرتي تاخذين شيء من غير مستوى خذي طرق التدريس 6 سهله والبحث 7 سهل و الباقي لهم متطلبات مايمديك بالتوفيق

iH0pe
22-04-2013, 04:56 PM
.


بالنسبة لي أنا ما أشوف الترجمة صعبة ، لأنها "ترجمة" يعني ما يبي لها شيء p=
صح في تعاريف وكم مصطلح اسلامي راح تحفظونهم ، لكن مو كثير ، شوي ..


بالنسبة لمواد اللنقوستكس ...
أشوف ان الفونتكس أصعب من السنتاكس ، الصراحة مو صعب قد ماهو غثيث >< ، وفيه تعاريف كثير يبي لها حفظ ..
أما السنتاكس إذا حضرتي المحاضرات وفهمتي مع الأستاذة ، وعرفتي كيف ترسمين التريز ، خلاص هذا هو المهم ، فيه تعاريف برضو لكن قليلة ..


بالنسبة للمقال ...
إذا انتي عندك فوكاب وتعرفين كيف تعبرين وتصيغين الكلام بشكل صحيح ، أبداً ما راح يكون صعب عليك ،
وأساساً أكيد عندك فكرة عنه بما انكم تاخذونه بثالث ..


أما بالنسبة لمواد الأدب ... ( الرواية ، الشعر ، المسرحية )
امممم بصراحة يبغى لهم مجهود ، حاولي قدر الإمكان ما تفوتين محاضراتهم ، واكتبي مع الأستاذة ملاحاظات وهذا أهم شيء ،
خصوصاً الرواية والشعر لأن بالعادة مالهم هاند آوت ترجعون لها ، إلا إذا كنتوا محظوظين بأستاذتكم وأعطتكم شيء ترجعون له ..
وعلى فكرة مواد الأدب تعتمد كثير ع المقال !
لأن الأسئلة تجاوبين عليها يا إما بشكل ايساي أو بارقراف ، يعني لازم تكونين عارفة كيف تصيغين أفكارك بهالشكل ..
وشيء أكيد انها لا تخلوا من التعاريف لأنها مواد أدب ..



طبعاً بالنهاية هذا رأيي الشخصي ، يمكن غيري يخالفني فيه ..
لأن كل شخص وله قدراته ، ممكن أشوف ان المادة الفلانية صعبة وغيري يشوفها سهلة ، والعكس ..


موفقة يا رب ، وأتمنى أكون أفدتك ^.^


.

Noufasf
23-04-2013, 10:25 AM
يعني مافي مواد من مستوى 7 و 8 ؟؟ بس الثالث؟؟ :(

iH0pe
23-04-2013, 02:11 PM
.

من قال مافي ؟ أكيد بينزلون لهم مواد

Noufasf
23-04-2013, 06:31 PM
انا اخاف ما اعرف المواد بدري و اتأخر في اجراءات الزياره وما استفيد شي ... لكن اذا مستوى ثالث بس ما اقدر اخذ الا مقال المواد الباقيه من مستوى ٣ عندكم يا مخلصتها يا ما ندرسها ..

L A T O O F
24-04-2013, 12:11 AM
^ قصدي من مستوى ثالث الا ثامن وشوفي الخطة وش تحبي تاخذي وشوفي مفردات المقرر حقكم هي تطابق الي يتاخذيهم او لا وموفقةة يَ رب وضبطي امورك من الحين لان جامعتنا جميلة يبغالك وقت ع مابال ترتبي امورك ..

Noufasf
24-04-2013, 08:22 AM
اوه فهمتك غلط توقعت مستوى ثالث ،، ابي اسأل عن مادة النقد عندكم ،، حنا ندرسها بلڤل ٧ بس ماده وحده ،، لو اخذتها عندكم راح تكون اصعب اتوقع صح؟ معليش بزعجك بالاساله لان جامعتنا اجمل و مستحيل تلقين جواب عند احد منهم

L A T O O F
24-04-2013, 09:23 AM
^ لاعادي وحياك احنا ف خدمةة اي طالب .. امممم يس عندنا هالمادة وبرضوا مستوى ٧ هي ثقيلة شوي بس يمدحوها بالصيفي لانها خفيفة وعادة يدرسها رجال وينحذف من المنهج كثيررر ..

LoLi_
01-05-2013, 08:33 PM
يقولون قدموا فاينل الترم الصيفي ل 19 رمضان .. صاحبتي تدرس اقتصاد تقول العميد حقهم سليمان الصغير كاتبه في حسابه بتويتر

A-S
02-05-2013, 04:28 AM
يقولون قدموا فاينل الترم الصيفي ل 19 رمضان .. صاحبتي تدرس اقتصاد تقول العميد حقهم سليمان الصغير كاتبه في حسابه بتويتر

مو بس الاقتصاد أغلب الكليات قدمت اختبارات للفاينل للصيفي بس للأسف كلية اللغات والترجمة الى الحين ما قدمت شيء

NouFun
02-05-2013, 09:57 AM
مو بس الاقتصاد أغلب الكليات قدمت اختبارات للفاينل للصيفي بس للأسف كلية اللغات والترجمة الى الحين ما قدمت شيء


من قال ماقدمت ؟
ياحبيبتي اذا صدر قرار يمشي ع كل الجامعة مو كلية وكلية لاء !
وانا بنفسي سائلة اشراف القسم ، ويقولون تقدم ..
واي اخبار عن الترم الصيفي راح ينزلونها بلوحة الاعلانات ..

دلوعه ابوهـ
02-05-2013, 11:01 AM
بناات
متى يبدا الصيفي بالظبط ومنتى ينتهي ؟؟؟؟؟؟؟؟؟؟؟

glg
04-05-2013, 06:44 PM
بنات

فيه مشروع ترجمة صيفي ؟وذا فيه نداوم كل الايام ولا كيف

L A T O O F
04-05-2013, 07:15 PM
^ فيه بس للي باقي لهم ١٦ ساعةة فقط للاسف :(

بندر آل
04-05-2013, 08:25 PM
بناات
متى يبدا الصيفي بالظبط ومنتى ينتهي ؟؟؟؟؟؟؟؟؟؟؟

يبدا 29 / 7
تبدا الفانيل 19 / 9

glg
05-05-2013, 05:02 PM
ماي احد منكم اخذ مشروع ترجمه صيفي ابي احد يعلمني كيف نظام الدوام

Fifyanoo
06-05-2013, 12:05 AM
السلام عليكم ابي استفسر اذا احد عنده خلفيه بهالموضوع انا اختي بجامعه سعود وتبي تاخذ صيفي بالامام لان ماعندهم هل تقدر تاخذ او لا و ايش المقرارات الي بتنزل بصيفي وشكرا

Miss Reemo
06-05-2013, 12:36 AM
^
اذا نفس نظام الاترام اللي راحت عادي تقدر تاخذ صيفي ..
وب النسبه للمقرارات باقي مانزلت للحين ()

لبيه طال عمري
06-05-2013, 04:52 PM
متى بينزلون مواد الصيفي ؟! احسهم تاخروا
بما ان قسم الادارة نزلوا لهم المواد

مها فراس الوايلي
06-05-2013, 09:40 PM
بنات بسالكم

انا باخذ مواد من مستوى ثالث وش تنصحووني اخذ ؟؟؟

الزين مبتليني
06-05-2013, 11:18 PM
بنات بسالكم

انا باخذ مواد من مستوى ثالث وش تنصحووني اخذ ؟؟؟

من وجه نظري الادب والترجمه واللنقوستكس يحتاجون وقت يبغالهم ترم كامل وترويق وتفهمونه زين لانه ماهي مواد مشي حالك كل الاترام الجايه تنطبق عليها..
ف ممكن تاخذين قرامر ورايتنق وطرق بحث..

دلوعه ابوهـ
27-05-2013, 08:16 PM
متى ينزلون الجدول ؟؟؟

FaisalBnNasser
28-05-2013, 01:57 AM
السلام عليكم و رحمة الله


متى ينزلون الجدول ؟؟؟

الجدول الوكاد علية بيكون يوم الإثنين ..
بعد 7 أيام من الآن يبدأ التسجيل .. يعني بنفس الوقت.

الترم الصيفي؛ يعتبر من أهم أهداف الطالب كي يلتحق أو يعوض أو كلاهما بما يريد أن ينهيه من مواد؛
سوآء أن كانت محملة ( رسوب ) أو متقدمة ( Advanced ) لهدف تخفيف أو الإلتحاق بالجدول الكامل.

من رأيي ؛ أن هذا الترم الصيفي مهم جدا للكل ؛ و هو من اهم العوامل للطلاب بأن يتموا المواد و خاصة
و كما يقال عنها .. المواد الدسمة .. كا علم المعاني, الترجمه, علم اللغة, النظريات, النقد .. إلخ.

بالنسبة لجدولي إن شاء الله :
(أ) نظريات لغه سادس
(ب) ترجمة سادس
(ج) تاريخ لغة سابع
(د) CALL سابع أو تاريخ أدب خامس



تحياتي للجميع و الله العلي الموفق

Shit
28-05-2013, 01:11 PM
لو سمحتوا كم العدد المسموح للمواد اللي ممكن انزلها صيفي؟ انا أبغى مادة وحدة و ما ادري هل اقدر أخذها
او يجبروني أخذ اكثر من مادتين

**دنـــــو**
28-05-2013, 04:11 PM
بنات يقولون نزلت الجداول في مبنى 4

من صورها :(

..Breathless..
28-05-2013, 07:54 PM
سؤال : هل مادة ترجمه ٧ ممكن نزولها بالصيف؟..

ebt123
29-05-2013, 12:31 PM
-
مافي احد صور جدول الصيفي ؟ :(

medo-dubu
29-05-2013, 12:40 PM
نزل جدول الصيفي؟

iH0pe
29-05-2013, 12:44 PM
ما نزل الجدول الصيفي لسى ..

الدختورة
29-05-2013, 01:38 PM
بنات الي ناويه تاخذ صيفي وتبي مواصلات لشرق الرياض تكلمني ع الخاص

Nala
29-05-2013, 05:08 PM
نزل جدول الصيف؟

A-S
29-05-2013, 11:13 PM
سؤال : هل مادة ترجمه ٧ ممكن نزولها بالصيف؟..

الترم اللي راح نزل ترجمة سابع

A-S
29-05-2013, 11:16 PM
السلام عليكم و رحمة الله



الجدول الوكاد علية بيكون يوم الإثنين ..
بعد 7 أيام من الآن يبدأ التسجيل .. يعني بنفس الوقت.

الترم الصيفي؛ يعتبر من أهم أهداف الطالب كي يلتحق أو يعوض أو كلاهما بما يريد أن ينهيه من مواد؛
سوآء أن كانت محملة ( رسوب ) أو متقدمة ( Advanced ) لهدف تخفيف أو الإلتحاق بالجدول الكامل.

من رأيي ؛ أن هذا الترم الصيفي مهم جدا للكل ؛ و هو من اهم العوامل للطلاب بأن يتموا المواد و خاصة
و كما يقال عنها .. المواد الدسمة .. كا علم المعاني, الترجمه, علم اللغة, النظريات, النقد .. إلخ.

بالنسبة لجدولي إن شاء الله :
(أ) نظريات لغه سادس
(ب) ترجمة سادس
(ج) تاريخ لغة سابع
(د) CALL سابع أو تاريخ أدب خامس



تحياتي للجميع و الله العلي الموفق


أنا أبغى أخذ هاذي المواد
بس عادي يسمحون ؟

mony joseph
29-05-2013, 11:24 PM
حق العيال نزل وكل الاقسام الثانيه نزلهم جدولهم
الا حنا ؟؟ بعرف ليه

..Breathless..
30-05-2013, 02:03 AM
الترم اللي راح نزل ترجمة سابع

شكررررراااا حبيباتي ..

برتقاله زرقاء
30-05-2013, 04:41 AM
بنات مانزل الجدول؟؟

هم بالعاده ينزلونه اخر يوم في الاختبارات :/

bad cat
30-05-2013, 11:19 AM
اتوقع السبت تنزل الجداول بس هل كل المواد التخصصية راح ينزلون

بنت الامام
30-05-2013, 12:26 PM
ياليت يزيدونها ل 20 ساعة :)

لبيه طال عمري
30-05-2013, 04:44 PM
حسبي الله ونعم الوكيل على من كان في سبب تاخير جداول الصيفي
ما اقول الا ( الله يسلط عليك )

Miss Reemo
30-05-2013, 05:27 PM
لو سمحتوا كم العدد المسموح للمواد اللي ممكن انزلها صيفي؟ انا أبغى مادة وحدة و ما ادري هل اقدر أخذها
او يجبروني أخذ اكثر من مادتين

تقدرين تاخذينهآ ..اعرف وحده الصيفي اللي راح اخذت مادتين :/

ابتهآل
30-05-2013, 06:43 PM
انا بسال عن الصيف هذا هل بتنزل مواد من ليفل 1و2 ارجو انكم تجاوبوني !!!!!!

iH0pe
30-05-2013, 09:25 PM
.


يا بنات يا حلوات ، الجدول الصيفي ما نزل .. يعني بالله كيف بنعرف المواد
وما أدري ليش مستغربات التأخير ، ترى عادي كل سنة كذا .. المفروض تعودتوا ع الوضع هذا
وإذا نزل بيحطونه بلوحة الإعلانات على كلام الإشراف ..


.

سوسن الزهرة
31-05-2013, 10:31 AM
انا بسال عن الصيف هذا هل بتنزل مواد من ليفل 1و2 ارجو انكم تجاوبوني !!!!!!

لا بس من ثالث وفوق

asuma~chan
31-05-2013, 11:55 AM
طيب راح نقدر نعرف اسماء الاستاذات ... يقلون انو في احمال تهاني تدرس نظريات لغه سادس وبنات الترجمه الترم هذا مره مره مره مره يسبونها :sorrow:

ابغى اعرف مين اللي بيمسك المواد

انا راح اخذ ان شاء الله
نظريات اللغه سادس
نقد الادب سادس

princess fofo
02-06-2013, 01:19 AM
نزلوا الجداول

princess fofo
02-06-2013, 01:20 AM
ابغى استفسر الحين مانزلوا رواية ومسرحية وشعر خامس
نزلوا سادس وانا متأخرة فيها اقدر أخذ حقت سادس لو اطلب جاوز يوافقون

Mnolh
02-06-2013, 01:39 AM
طيب راح نقدر نعرف اسماء الاستاذات ... يقلون انو في احمال تهاني تدرس نظريات لغه سادس وبنات الترجمه الترم هذا مره مره مره مره يسبونها :sorrow:

ابغى اعرف مين اللي بيمسك المواد

انا راح اخذ ان شاء الله
نظريات اللغه سادس
نقد الادب سادس

مين تهاني !!!!

Mnolh
02-06-2013, 01:41 AM
وش هالترم الصيفي الخايس اللي لاتقدر تحذف مادة ولا تقدر تحذف الترم الصيفي ومنزلين لنا بس الجدول بالله وشلون اعرف من يدرسني , احس يقولون بالغصب ماراح تاخذون الله لايوفق اللي حط هالنظام واخترعه عشان ينكد علينا الله ينكد عليه

P!NK
02-06-2013, 04:15 AM
غريبه ليه مافية مقال ؟؟
قهر لية مانزلو مقال !! الصراحة الجدول ماادري كيف صاير !!!

BE..AS..YOU..LIKE
02-06-2013, 06:22 AM
وين نزلوا الجداول ؟


ما ادري وين احصله

BE..AS..YOU..LIKE
02-06-2013, 06:26 AM
الله يسعدكم بنات اعطوني الرابط :(

سوسن الزهرة
02-06-2013, 07:57 AM
بنات وش الحد الاقصى للساعات اللي ممكن اخذها مع التطبيق؟

حفيدة الخنساء
02-06-2013, 10:18 AM
ممكن رابط الجدول

polit girl
02-06-2013, 10:29 AM
صباح الخير بنات كيفكم ان شاء الله طيبيين

بسألكم اللي باقي لها 12 ساعه بس يسمحون لها باختبار التعارض و هل فيه اختبار تعارض بالصيف او لا ؟

و شكراً

Bashboosha
02-06-2013, 10:37 AM
هذا جدول المواد http://www.imamu.edu.sa/support_dean.../1-6-2013.aspx ويمنع الاعتذار أو الانسحاب من الفصل الصيفي، أو أي من المقررات المسجلة في الجدول

mony joseph
02-06-2013, 10:42 AM
وين جدول الفاينل؟؟؟؟؟؟

ولا نضبط جدولنا اللحين وبعدين يطلع كله تعارض بالفاينل؟؟

شاهيناز
02-06-2013, 11:43 AM
مين يدرس ترجمه ٧ ؟