في احد انقبل يدوي في جامعة الامام ؟؟

[مـوني]

السلام عليكم

انا ما انقبلت بأي جامعه .. وقدمت بجامعه الأمام يدوي .. عند النساء

وقالو راح نرد قبل الدراسه بأسبوع ، ونسبتي المركبة ( قدرات + تحصيلي + نسبة الثانوية ) = 74,95

للعلم بس طلبت شهادتي ما طلبت اي شي ثاني

مدري اذا بيقبلوني ولالا




سؤالي في احد انقبل يدوي في جامعة الامام ؟؟

:hurt:

[القاطع]

ماشاء اللة نسبتك حلو مرة غريبة مافي أحد قبلك بس لا تخافين الإمام بتقبلك إنشاء اللة عشان الإمام السنة الي فاتت قابلين يدوي كثير

[سنانا]

وعليكم السلام
اااي حبيبتي راح تنقبلين بإذن الله بس خلي املك بربك كبيررر
وحده اعرفها اقل منك نسسبه وقدمت يدوي وقبلوها الترم هذا انتِ توكلي ع ربك بس والله يكتبلك الخير ،،

[abdulaziz.azooze]

وعليكــم الســلام ورحمــة الله وبركــاته

اي نعم اختي فيه واااجد مقبولين يدوي وانا واحد منهم واخوياي فيه واجد منهم بعد مقبولين ..

جامعه الامام تقبلك انشالله وحتى لو ماقبلوك .. اتوقع اضعف الايمان انهم يقبلونك الترم الثاني وانشالله يقبلونك بالقسم اللي تبينه

واكثــري من الاستغفـار .. واتمنى التوفيق لي ولكي والمسلمين اجمعين

[مـوني]

الله يسلمكم ويسعدكم ياااربُ والله فرحتووننني :love-struck:

جعل يدينكم ما تمسسها النااار

[بشآير العبدالعزيز]

:
ياارب يقبولنكك
طيب ممكن سؤال
وش اقل نسبه ممكن تقبلها جامعة الامام
صديقتي نسبتها 72.60 مع القدرات والتحصيلي
ولا قبلتها ولاجامعه حتى كلية التقنيه ماقبلتها
ومرره متحطمه
لانها راحت لجامعه نوره تحاول فيهم ورفضوا حتى يدخلونها على العميده
تقدر تقدم بالامام يدوي !!!
افيدونا الله يجزاكم بالجنننه

[Chemist.Samar]

^

جامعة نورة ويدخلونها للعميده صعبه , مالقيتي الا هالجامعه تحترم الطالبات
تراها جامعة مخيسه جداً لأبعد درجةة ماتتصورين والله ’
اللي سمعت ان نورة وقفت لـ نسبه معينه أعتقد 75
وكل جامعة لها نسبه معينه توقف عندها ,
وصاحبتك خلينا واقعيين شوي نسبتها ضعيفه جداً
بس مايمنع تروح تجرب وتقدم للأمام لعل وعسى يقبلونها لو ترم ثاني ’
وإذا مره مره مره ما نفع منهم وراه ماتقدم عن بُعد لجامعة فيصل : )
مجرد إقتراح بدال قعدتها يعني ,

والله يوفقها ويقبلونها بس خليها تدم اوراقها للأمام وتسعى لرزقها
وبالنهايه كل شي مكتوب ,

[Nawaf Ben Fahd]

^^

اختي بنورةة .. م اشوف انها مخيسه !! اشوف انها افضل جامعه بنات من المبنى والتطوير والكل يشهد بالشي ذا .. ويكفي جامعتهم اللي عند المطآر " خرآفه " ..

لكن اقول معكك حق من ناحيةة التدريس لك عليها لكن شي ثاني لا ..

المهم اختي انا ولد عمي قدم يدوي ع الامام وقبلوه .. باذن الله انتي مقبوله وتفرحينا بخبر قبولك .. اتمنى لك الخير

[Chemist.Samar]

^
وش أبي بالمبنى والتطوير دام التعليم معوق فيها :(
تراي دارسه فيها قبل لمدة سنتين وشي انا لامسته وحسيته
فيه إستحقار تام + ظلم + تدريس الله بالخير ,
وأخيس نظام معُتمد جامعتنا نورة وترى كلمة جامعه كبيره عليها
معليش جامعة نورة ظاهرياً زينه بس مضموناً لا , : )

[Nawaf Ben Fahd]

آستحقآر + ظلم ..!

معليش اختي م اظن بس في " بعض " الدكتورآت صادقه ظلم لدرجه انهم يخلون البنت تعيد بسبب درجه تقريبا ..