كم سنه دراسه الحاسب وغيرها من الاسئله

[السلطان,,]

السلام عليكم ورحمة الله وبركاته...

تخصص الحاسب هل فيه سنه تحضيريه؟
وماهي المواد الي ندرسها؟؟
وش نظامهم بالضبط يعني؟ ادرس سنه بعدين اتخصص بأحدى المجالات ولا كيف؟

وكم سنه الدراسه؟
والدواااااااااااام من الساعه كم الى كم؟صباحي أم مسائي.؟



اعذروني على كثر الاسئله لأني مستجد ولا أعرف شيئا.اتمنى الاجابه منكم لكل الاسئله..

[Katyusha]

السلام عليكم ورحمة الله وبركاته...

وعليكم السلام

تخصص الحاسب هل فيه سنه تحضيريه؟

نعم يوجد سنه تحضيرية , في البدايه تسجل مسار علوم تطبيقية وبعد ما تخلص هالمرحلة اللي هي مكونه من فصلين دراسيين يعني سنه كامله تختار التخصص المتاح لك حسب معدلك في السنه التحضيرية يعني يجب عليك الحصول على معدل عالي من أجل أن تضمن قبولك بالحاسب
وطبعا لما تخلص السنه ويتم قبولك بكلية الحاسب فإن مدة الدراسه 4 سنوات فقط من غير السنه اللي خلصتها يعني سنه تحضيري و4 سنوات تخصص

وماهي المواد الي ندرسها؟؟

بالنسبه لمواد التحضيري التي سوف تدرسها تجدها هنا :
http://www.imamu.edu.sa/SUPPORT_DEAN...s/TrackIV.aspx

وش نظامهم بالضبط يعني؟ ادرس سنه بعدين اتخصص بأحدى المجالات ولا كيف؟

وضحت لك النظام فوق , نعم تدرس سنه تحضيري وبعدين تختار التخصص على حسب معدلك بالتحضيري

وكم سنه الدراسه؟

سنه تحضيري و 4 سنوات تخصص

والدواااااااااااام من الساعه كم الى كم؟صباحي أم مسائي.؟

حسب علمي دوام مسائي للسنه التحضيريه وصباحي للتخصص

اعذروني على كثر الاسئله لأني مستجد ولا أعرف شيئا.اتمنى الاجابه منكم لكل الاسئله..

كل ما عليك تشد حيلك بالسنه التحضيريه وتجيب معدل عالي عشان تختار التخصص اللي تبي


موفق ان شاء الله

[السلطان,,]

اما رياضيات :nightmare: لا رحنا وطي.

الله يوفق الجميع.

[abdulaziz.azooze]

وعليكم السلام ورحمة الله وبركاته

اخوي لاتشيل هم النه التحضيريه الترم الاول عباره عن (فله ووناسه ) المواد سهله جدا وممتعه عندك الرياضيات بسيط يعني يبيلك مراجعات خفيفه عليه الترم الثاني هو اللي صعيب شوي يعني

الترم الاول لاتغلط زي غلطتي فرصه لان الترم سهل لازم تجيب معدل فوق 4 .. بس هونها وتهون انا واخوياي الحمدالله عدينا السنه وحنا ماحنا حقين دراسه بس ربك اذا اراد شي يصيروالحمدالله

دخلنا التخصص اللي نبيه توكل لى ربك وادخل وتتسهل انشالله .. بالتوفيق لي ولك وللمسلمين اجمعين

[السلطان,,]

الله يوفقك اخوي انا كنت ماخذ همها..
يعني انت منت براعي دراسه وأفحلت ان شاء افلح.تقريبا مثلك ما أقول دافور بس على خفيف لو اشد حيلي حبتين بجيب معدل كويس.

يالبى قلبك

[تفاحة]

كيف ماتحب الرياضيات وتبي تمشي بالحاسب؟؟

اساس الحاسب رياضيات ومنطق !!

[السلطان,,]

الله يستر وش فيه غير الحاسب في مسار العلوم التطبيقيه ممكن يكون دراسته ممتعه وحلوة>عارف كل شيء يبيله شد حيل بس ابي دراسه اتفنن فيها وابدع غير الرياضيات

[Nasser.A.D]

الهندسه : كهربائية - مدنية - ميكانيكية -كيميائيه هذي الي يدرسونها الحين اما المعماريه موجوده بس ماتدرّس
الحاسب : علوم الحاسب - نظم المعلومات - دراسة المعلومات
العلوم : رياضيات - فيزياء - كيمياء

[just GOGO]

كيف ماتحب الرياضيات وتبي تمشي بالحاسب؟؟

اساس الحاسب رياضيات ومنطق !!

وش المشكله اني ما احب الرياضيات معناته مارح امشي بالحاسب !!!
مو شرط هالكلام انا ماحبيته من يوم جربته بالجامعه والحمدلله ماشيه وطالعه مستوى 5
" تفائلوا بالخير تجدوه "

[القونصول]

لوحصلت لك تخصص غير الحاسب انصحك تروح له

اترك الحاسب والله في السعودية هنا ماتسوى شي