ملتقى + أستفسارات المستجدات هنا ..~

[جرح]

السلام عليكم ورحمه الله وبركاته ،،

أبارك لكل من قبل بكليتنا ^_^

مبروك عليكم القبوول وربي يوفقكم

ان شاء الله

//

هنا بيكون ملتقى واستفسارات المستجدات

اي سؤال يطري على بالك نزليه هنا وكلنا ان شاء الله مارح نقصر معكم


جميع التحضيري في مدينة الملك عبدالله ( على طريق الثمامه )


وقت المحاضرات :

المحاضرات تبدأ 7.30 ويفتح الباب 12.25 < بعد انتهاء المحاضره الخامسه

بس التحضيري بيكون عندكم محاضره سادسه يعني تطلعون على 1.20

وقت المحاضرات :
من 7:30 إلى 8:20 المحاضرة الأولى .
من 8:25 إلى 9:15 المحاضرة الثانية .
من 9.15 إلى 9.45 بريك نص ساعه
من 9:45 إلى 10:35 المحاضرة الثالثة .
من 10:40 إلى 11:30 المحاضرة الرابعة .
من 11:35 إلى 12:25 المحاضرة الخامسة .
من 12:30 إلى 1:20 المحاضرة السادسة .

من هنا تعرفون خطة كل مسار :

http://www.imam1.net/vb/showthread.php?t=83

،،


اللبس :

تنوره سوداء طويله ولازم ماتكون فوق الكعب يعني حد الكعب واطول

البلوزه تكون اي لون عادي بس تكون مغطيه الكوع ، وما يكون فيها ارواح

حتى الارواح بالشناط ممنوعه

،،

الجوال :

ممنوع الكاميرا اكيد ، حتى احيان لو جوالك مو كاميرا يجونك يقولون دخليه


،،

حفظ القران :

التحضيري مالهم قران ^_^

بس لما تروحون مستوى اول تحفظون الجزء الااول

المستوى الثاني = الجزء الثاني ،، المستوى الثالث = الجزء الثالث ..ألخ

وتتخرجون وانتم حافظين 8 اجزاء ان شاء الله


طريقة معرفة الرقم الجامعي و السري ( أضغطي هنا )

وصف مقر مدينة الملك عبدالله :

حي الفلاح - على طريق عثمان بن عفان ( مخرج 7 )




المكافأة :

بعد شهر من الدراسه تقريبا راح ينزلون جداول بالارقام الجامعية وتستلمونها
ونفس الشي البطاقة الجامعية

ولازم تجيبين معك جدولك معرف لك أو بطاقة العائلة أو الهوية الوطنيه

مسار التطبيقي : 990 ريال
مسار العلوم الإنسناية : 840 ريال
مسار العلوم الإدارية 840 ريال
مسار اللغات والترجمه : 840 ريال

الصراف راح تكون الراجحي وما تسحبون الا من صراف الراجحي ولا ترا تسحبها :livid:

[منال المطيري]

مره شكرا جرح بس عندي استفسار بسيط ... وين مبنى التحضيري ؟؟

واذ ع التحويل للمستجدات كيف من اول يوم اروح واحول والا كيف .... ياليت تفيدوني

[Chemist.Samar]

مبنى التحضيري بـ مدينة الملك عبدالله حي الفلاح على طريق عثمان بن عفان - رضي الله عنه - مخرج 7

التحويل من قسم لـ قسم عمادة القبول والتسجيل بحي الملز .
تقدمين طلب أولاً واذا أُتيح لك مقعد قبولك

وفيه طريقة ثانيه : تدرسين ترم وتجيبي معدل عالي وتحولين !

موفقه ياعزيزتي

ــــــــــــــــــــــــــــــــــــــــــــــــــ ـــــ

بنات ..

بقولكم على شغلتين مهمه

1 - إذا استلمتي جدولكِ بأول الترم ( سواء الاول او الثاني ) وغبتي عن أول ثلاث محاضرات
وجيتي من بعد هالفتره وقالت لك الاستاذه فين كنتِ أمس عن المحاضرة ؟ لا تقولين توي أستلم الجدول
تراها راح تسلك لك وتمشيها لك مثل شربة المويه , وبالاخير راح تخسف فيكِ بالدرجات
لان كذبتك مكشوفه ليه ؟ لان كل كل إستاذه عندها برنت لكل طالبه وتعرف متى نزلك الجدول =)
يعني انتبهي ثم انتبهي ثم انتبهي من هالطريقه لان هالطريقه منتشره بكل بنات الجامعه سواء الامام وغيره

2 - التحضير , لمى تقولك (صديقتك ) حضريني مالي خلق , لا تروحين تحضرينها وتكتبين اسمها وهي مو موجوده بالمحاضره
والله والله والله محد يبي أكلها غيركِ لمسكت الاستاذه راح طلع حرتها كله فيك اولاً اللي سويتيه غش ويخالف قوانين الجامعه
الاستاذه راح تخسف فيك بالدرجات واحتمال كبير ترسبك ماراخ ترسب صديقتك لا أنتِ تبي تتعاقبين
وبعض الاستاذات تهاوشك وتعاقبك وبعضهم لا تسلك لك وتقل ماعرفت بس بتعاقبك بأخر الترم بدرجاتكِ

أنتبهي ثم انتبهي ثم أنتبهي تسوينها لانه البعض يسويها من باب ( الفزعه)
حتى لو كانت صديقتك الروح بالروح ماعليكِ منها أهم ماعليكِ نفسكِ
وإذا تخافين تزعل منك خليها تزعل وتشرب من ماء البحر بعد =) ترى لو هي تحبك ماراح تخليك بهالموقف ؛ )


^

هالكلام من تجرربه وحبيت أنصحكم لانكم مستجدات وبعضكم ماعندها خوات كبار تعلمها القوانين
وأنتم بكيفكم عاد بس اللي عليّ سويته ونبهت لاني أعتبركم زي خواتي

[Shorouq]

السلام عليكم
انا جوالي بلاك ، لو شلت الكميرا
ما راح يقولون شيء ، بيتفهمون انه بدون كميرا
واذا كنت بالجامعه بدخله بالشنطة
مين حوالها بلاك ولا قالوا لها شيء

[alaa mo]

طيب انا دخلت الرابط عشان اطلع الرقم الجامعي واحط رقم الهويه و يقولي غلط وش الحل ؟
وبخصوص اختبار تحديد المستوى للسنه التحضيريه متي راح يكون والبطاقه الجامعيه ؟
وفي دوام هـذا الاسبوع ؟

[Chemist.Samar]

^

الأرقام ما دخلت للنظام لـسى ‘
إذا كنتِ طالبة مافيه تحديد مستوى فقط للي تخصصاتهم لغات وترجمة ,
أول أسبوع مافيه دوام رسمي ,
لكن الجد يبدأ الأسبوع الثاني ,

موفقه حبيبتي

[اسيل 1]

سلام ..

كيف أطلع البطاقة الجامعية ؟ هل هي من الجامعة أو لا ؟

و عندي سوال ثاني :

أول يوم من الجامعة وش اخذ معي ؟ يعني أخذ بطاقة الأحوال ؟ صور لي ؟ لاني سمعت انه لازم تاخذين معك صور عشان البطاقة الجامعية ..

شكرا و جزاك الله خير ..

[M8ader]

وعليكم السلآم ورحمة الله وبركاتة ,

1 - : الآن انا كِ طالبة مستجدة , هل من الضروري حضوري أول أسبوع لِ استخراج البطاقة الجامعية ؟
أو لآ ضير في استخراجهآ الأسبوع الثآني ؟

2- البطاقة الجامعية تختلف عن الرقم الجامعي : / ؟ والرقم الجامعي ما المقصود منه ؟ :)

3- الجداول هل تستخرج من الموقع هنآ ؟ أم الجامعه ؟

4 - ما هي ألاشياءء الضروري اصطحابها معي في اول دوام لي : )

5 - أول ماتطأ قدماي الجامعة أن شاء الله , ماذا علي ان افعل ؟ هل اتجه لِ عمادة الجامعة لِ استخراج البطاقة الجامعية أم هناك تنظيم معين ؟ ,

معليش ان كآنت الآسئلة مش ولآبد لكن للآسف مآ عندي اي فكرهه عن الجآمعات وكذآءء ,
ولي عودة ان شاء الله لِ اي استفسآر يصادفني , وشكراَ مقدماَ ,

[Chemist.Samar]

البطاقة الجامعيه فيها أسمك الرباعي وسجلك المدني و رقمك الجامعي بس مدري هل فيه صورتك او بصمه لا أعلم
لكن الرقم الجامعي هذا تقريبا مفتاحك للجامعه او رقمك التسلسلي بالجامعه
وكل بنت لها رقم خاص فيها ولا يتكرر هالرقم أبداً مهما كان

رقمك الجامعي لخذتيه تروحين للخدمه الذاتيه من خلال هالرقم مع الرقم السري
تدخلين على سجلك الأكاديمي فيه كل من معلوماتك ودرجاتك من أول مستوى لين تتخرجين ان شاءالله

الأسبوع الاول تبي تروحين روحي مانتب رايحه مايضضرك
الدوام الفعلي الأسبوع الثاني

جدولك من الخدمات الذاتيه لكن الى الآن ما إستلمنا أرقامنا الجامعية

أول يوم لك محاضره خذي لك دفتر واحد وأكتبي كل ملاحظات الاستاذه بكل ماده
واكتبي اللي يضضايقها واكتبيه عندك عشان تمشي امورك وتنجين لمى تكتمل طلبات الأساتذه
رتبي وضعك مثل ما تحبين

إستخراج البطاقه يبي يعلنون عنه وتعرفين متى يطلع وتروحين لعندهم يضبطونها لك

+

موفقه

[M8ader]

البطاقة الجامعيه فيها أسمك الرباعي وسجلك المدني و رقمك الجامعي بس مدري هل فيه صورتك او بصمه لا أعلم
لكن الرقم الجامعي هذا تقريبا مفتاحك للجامعه او رقمك التسلسلي بالجامعه
وكل بنت لها رقم خاص فيها ولا يتكرر هالرقم أبداً مهما كان

رقمك الجامعي لخذتيه تروحين للخدمه الذاتيه من خلال هالرقم مع الرقم السري
تدخلين على سجلك الأكاديمي فيه كل من معلوماتك ودرجاتك من أول مستوى لين تتخرجين ان شاءالله

الأسبوع الاول تبي تروحين روحي مانتب رايحه مايضضرك
الدوام الفعلي الأسبوع الثاني

جدولك من الخدمات الذاتيه لكن الى الآن ما إستلمنا أرقامنا الجامعية

أول يوم لك محاضره خذي لك دفتر واحد وأكتبي كل ملاحظات الاستاذه بكل ماده
واكتبي اللي يضضايقها واكتبيه عندك عشان تمشي امورك وتنجين لمى تكتمل طلبات الأساتذه
رتبي وضعك مثل ما تحبين

إستخراج البطاقه يبي يعلنون عنه وتعرفين متى يطلع وتروحين لعندهم يضبطونها لك

+

موفقه

شآكره لكِ يَ صديقة * ,
طيب الحين جميع طالبات التحضيري لهم نفس مواد بالرغم من أختلاف اقسامهم ؟
طيب الكلآس تبعنآ راح يكون واحد او لكل مآدة كلاس مخصص لهآ ؟
وكيف اعرف ان المآدة الفلآنية لهآ الكلآس الفلآني ~> آوت ,

+ بجد الله يكون بعونآ , خصوصاَ انا فتآةة مَ احفظ الآماكن ابداً :(
يعني لو افتر من 7 الصبح لِ 12 على مدآر سنة كآملة مَ راح يفيد معي :pp