السلام عليكم
ي اخوان حسبت غياباتي وعلى ما اظن انها 5 او 6
والمشكلة ايام ميب محاضرات
اغلبها بسبب التأخير مادري وش اقول اه يالغبنةة
والله ذا الرياض ماتنطاق ولا تنبغى بالريال تعبنا من الزحمةة انقرفنا الى متى على هالحال
كل ما اروح مرة اجي بدري مرة ماللحق والسبب زي ماذكرت قلة خبرتي
في طرق الجامعةة وللعلم انا ساكن اقصى جنوب الرياض بالقلعة وادرين ماعرف غير دايري الشرقي
الغلط يقع على الجامعة بفهم ليش ماسوا اللقاء تعريفي من اول اسبوع وحنا نعتبر طلاب تحضيري
عشان نفهم ونستوعب اغلب الطلاب يغيبون يحسبون نظام ثانوية
ماعرفت ان فيه حرمان وطقته الا بالفترة وجيزة لاحد يضحك
لما قعدت فترة ولله الحمد اكتسبت خبرة وصرت حافظ جميع طرق الجامعة وعرفت ازبط اموري
حاليا صرت اروح للجامعة من الساعهة 4ونص الفجر او4الفجر واحيانا 5 وانا طالع صاروخ
والي لاحظته للحين في التحضيري ادارة فاشلة والعمادة فاشلة وكلن ضايع وضيعونا معهم
اذكر طار علي يومين كاملين بسبب مالقيت الكلاس وحسبوها غياب !!!!!!!!!! مالقيته وطلع السبب انهم نقلوه وانا مادري
طبعا من ذكائهم الحاد نسوا يعدلون في الجدول الي في الكلية كاتبين في الدور الاول وطلع في الدورالثالث
وكل ماسألت احد من ادارة مايعرف شي عشان تعرفون الجامعة ضايعةة وادارة ضايعة معها
الدكاترة يمكن 3 فقط هم الي كويسين والباقين وش اقول لاتعليق وبشهادة الجميع

انا ذلحين شايل هم خايف انحرم

سؤالي هل يخبروني اذا انحرمت ابي اعرف مابي انغبن اذاكر واخرتها يطردوني برا
وش اسوي ؟؟ انا الغياب ماراح اغييب الله لايقوله لاني خلاص بخصت الجامعة

سؤالي الثاني انا راح احمل مادة الرياضيات متى ادرسها صيفي وطبعا الله لايوريكم الرياضيات عقدوها لنا الدكاترة لاشرح مثل الخلق وامثلة قد شعر راسي
واغلب الشعب محد فاهم شي

واخر سؤال اللحين اذا نزلوا بطاقة الصراف كم مكافأتها لانهم تأخروا يعطونا اياها وكنا بأمس بالحاجة لها لان اسعار الكتب خيالية بشكل غير طبيعي ؟؟


اهم شي عندي الغياب والباقي يهون ومايهمني الله يجزاكم الجنة واعتذر على كثرة مواضيعي بس مالي احد الا غيركم