اختي امل الله يسعدك محتاجه مساعده

[UMREEMA]

السلام عليكم ورحمة الله

كل عام وانتم بخير اعاده الله علينا يارب

اختي امل محمد ولايهونون الباقين اللي عنده اجابه انا متحمسه للدبلوم التربوي هو املي اني اتوظف وسجلت وانتظر الرد تحمست له اكثر شي انه مايحدد التقدير يعني يقبلون اي شي وكمان انه منحه المهم انا على وشك ولادة (ادعولي) الله يقومنا بالسلامه وماعندي احد يهتم بالبيبي لا شغاله ولا اهلي المهم سؤالي هو فيه تسجيل ترم ثاني وكمان هل تتوقعون تخلص المنحه ويصير فيه شروط مثلا مايقبلون تقدير مقبول تكفون احتاج اجابه لان لو صار مافيه تسجيل الا على السنه الجديده وممكن يحطون شروط بحاول اضغط على نفسي لانها فرصه ماتتعوض وكمان طلب ثاني هل فيه تقويم دراسي خاص بالدبلوم عشان نعرف تواريخ الاختبارات وغيرها وجزاكم الله خير

[امل محمد]

وعليكم السلام بالنسبة للتسجيل يوجد التسجيل للترم الثاني بشهر2ويقبلون تقدير مقبول وشروطهم ماتتغير وبالنسبه المنحة يقال المنحة مدتها5 سنوات ونحن بالسنة 3 والله اعلم وبالنسبه لتاريخ الدارسة دراسة الدبلومات 6اسبوع او 18 اسبوع والله نسيت وما يحطون بالموقع تاريخ الدراسة ولا التسجيل والله يسهل امرك

[امل محمد]

الدراسة الدبلوم 16 اسبوع او 18 اسبوع

[UMREEMA]

الله يعطيك العافيه ويجزاك خير ويحقق لك كل امنياتك

[متفائلة رغم الالم]

كم يوم في الاسبوع ؟

[شقاوه روح]

^^
4 ايام بالإسبوع
من السبت الى الثلاثاء

[متفائلة رغم الالم]

أجل مايمديني خسارة والله احزن

أنا من سكان الرياض لكن عملي خارج الرياض قلت يمكن اقدر افضي نفسي يومين في الاسبوع وأدرس الدبلوم عادي هاليومين ادرس صباح ومساء لكن إذا كذا يمكن ما اقدر تعرفوا أحد نفس حالتي وكمل ياليت تفيدوني والله من زمان نفسي بهذا الدبلوم :(

[امل محمد]

اذا انتي معلمة تقدرين تأخذين إيفاد ويعطونك إجازة وتفرغ وتدرسين هالدبلوم صباحي طبعا تبع وزارة التربية والتعليم تقدمين أوراقك من عندهم علشان يفرغونك للدبلوم

[متفائلة رغم الالم]

هلا أختي أمل

شكرا على تجاوبك لكن الايفاد لابد أن يكون لك في العمل أقل شيء سنتين :(

[امل محمد]

الاخت متفائله رديت على استفسارك بالخاص وشكل الرسالة ما وصلت لك لان المنتدى يعلق معي كثييرررر بالنسبه لاستفسارك مايصلح تداومين يومين لا صباحي ولامسائي اذا ماتقدرين تدرسين هالترم فيه تسجيل للترم الثاني بس لازم تحضرين مقابلة الدبلوم توجيه وتعتذرين الاسبوع الاول من الدارسة وبالتوفيق