انقبلت ترم ثاني تعااااالوا !!

[على الاطلال]

ياشباب انا انقبلت ترم ثاني اداراه اعمال و ارسلت ملفي والى الان ما جاني رقم جامعي متى يجيني ؟؟؟



واختبار تحديد المستوى متى احجزه وكيف ؟ لان لازم رقم جامعي !


الشي الثاني باللع عليكم متى اقدر احول من جامعه الامام الى اي جامعه مثل جامعه الملك سعود ؟؟؟


تكفووون ردوا علي !!!

[Nasser.A.D]

انقبلت بالمسار الاداري وليس إدارة اعمال
البطاقه الجامعيه والصرافه بتاخذها اذا داومت مو الحين
التحويل من الامام الى سعود صعبة يبيلك معدل عالي بعد اول مستوى بالامام وبيعادلون لك مواد هناك ومواد جديده بينزلونها عليك مثل الفيزياء هم درسوها وبالامام مايدرسونها الا التطبيقي

[على الاطلال]

انقبلت بالمسار الاداري وليس إدارة اعمال
البطاقه الجامعيه والصرافه بتاخذها اذا داومت مو الحين
التحويل من الامام الى سعود صعبة يبيلك معدل عالي بعد اول مستوى بالامام وبيعادلون لك مواد هناك ومواد جديده بينزلونها عليك مثل الفيزياء هم درسوها وبالامام مايدرسونها الا التطبيقي

طيب الله يوفقك متى اداوم انا انقبلت ترم ثاني يعني بدايه الترم الثاني يعطوني؟؟ ولامع الطلاب في الترم الاول ؟؟


ثاني شي انت تقول معدل عالي كم يعني تقريبا ؟ مافهمت كيف يعني يعادلون ؟؟

تكفى ساعدني والله اني مشوّش

[اقسم بالله مالقيت اسم]

اخوي انا نفسك بالضبط انقبلت فصل ثاني وارسلت ملفي ولاادري وش المطلوب الحين
يعني خلاص اقعد احتري الى الفصل الثاني؟

[محمد العتيق]

اهم شيء انك ارسلت ملفك
واوراقكك كاملة
خلاص ان شاء الله انت مقبول نهائي

[حربي المدينة]

^

توضيح لصاحب الاعلان ترم ثاني بداية الفصل الدراسي الثاني تداوم ولكن تقدر تروح لهم علي حسب ما سمعت من بعض الاخوان هنا بالمنتدي
تقدر تكلمهم وتقدم فصل اول وتصير تبدا مع الطلاب .. في 14-10



بالنسبه لمعدل العالي .. لا يقل عن 4,75 او حولها ..


اخر نقطه معادلة المواد يعادلون لك المواد مثل انت درسة ثقافه اسلاميه في الامام .. يوم تنقل لجامعة الملك سعود ماتدرس الثقافه الاسلاميه لانك درستها خلاص
هذا يسمونه معادلة مواد ..


اتمني وضحة لك الصوره

[)toto)]

انا مثلها تررم ثاني ومررره خايفه وودي يكون ترم اول