كلية العلوم التطبيقية ولا كلية العلوم الادارية والاقتصاد ؟؟ -- ارجو الدخول

[iTz]

بسم الله الرحمن الرحيم

انا توي متخرج من الثانوية , وابغا ادخل كلية العلوم الادارية والاقتصاد قسم اقتصاد او تمويل ,
وقبلوني في اعلى سقف ف الجامعة اللي هو العلوم التطبيقية , ادري وراي تحضيري ,
بس يوم قبلوني في العلوم التطبيقية تحيرت صراحة , مع اني اكره ادخل الهندسة عشانها هندسة او الطب عشانه طب ,
حتى الاقتصاد مو ميولي مرة بس هو اقرب شي لي , ميولي لغات وترجمة بس مالها مستقبل وظيفي ممتاز ..

الخلاصة : ايش افضل من ناحية المستقبل الوظيفي لأني ممكن ناوي اجيب الماجستير بالتخصص اللي بدخله ,
فـ محتار بين كلية العلوم التطبيقية و العلوم الادارية والاقتصاد , مع العلم اني اكره الفيزياء والكيمياء نوعا ما , بس الرياضيات اقدر اتأقلم معاه ,
اتنمى تفيدوووووني ....

[Chemist.Samar]

برايي عندك الحاسب مستقبله مضمون
بس تدخل تخصص رياضيات مثلاً وش تصير مدرس مكتفين من المدرسين ,
وعندك المحاسبه حلوه ومستقبلها جميل والعلوم الاداريه سوقها ماشي
بس كلهن يبيلهن إجتهاد وجب معدل كوووويس عشان تقدر تدخل اللي تبي بالتطبيقي او تحول للمسار الاداري

وبالنهايه شف انت وش تحب وش حاب تدرس عشان تقدر تبدع فيه ,

والله يوفقك يارب

[iTz]

برايي عندك الحاسب مستقبله مضمون
بس تدخل تخصص رياضيات مثلاً وش تصير مدرس مكتفين من المدرسين ,
وعندك المحاسبه حلوه ومستقبلها جميل والعلوم الاداريه سوقها ماشي
بس كلهن يبيلهن إجتهاد وجب معدل كوووويس عشان تقدر تدخل اللي تبي بالتطبيقي او تحول للمسار الاداري

وبالنهايه شف انت وش تحب وش حاب تدرس عشان تقدر تبدع فيه ,

والله يوفقك يارب

مشكور حبيبي ,,
بس انا قصدي اني اقدر أتأقلم مع الرياضيات لأنه قسم الاقتصاد وقسم التمويل والاستثمار مليان رياضيات , مو قصدي ادخل قسم الرياضيات , اصلا ماحب التدريس ..
اللي اعرفه انه قسم الاقتصاد وقسم التمويل والاستثمار اذا جبت في احدها ماجستير تحصل وظايف كثيرة ورواتبها كويسة !!

[Chemist.Samar]

على حد علمي ان الطلاب مايتخصصون اللي يبون على طول على حسب ( معدلك ) بعد التحضيري تتخصص
يعني أنت اللحين دخلت مسار تطبيقي فقط
يمكن تتخصص حاسب او هندسه او علوم طبيعيه
فـ لازم تكون عندك معلومات عن كل تخصص
قبل ماتقدم على إي خطوه لان كل شي محسوب يا لك او عليك .
وانا معاك بإن المسار الاداري أفضل وخصوصاً المحاسبه سوقها ماشي بوقتنا وشي مطلوب
بالاضافه الى الحاسب .
وانت بالاخير اللي تحدد شف وش تبي ؟ أجمع بين ثلاث أشياء :
( الرغبه - المستقبل الوظيفي - الأبداع ) وشف وش يناسبك بالتخصصات المتاحه لك
عشان تختار صح

تراني بنت والله يوفقك
اتمنى أني أكون عطيتك فايده

[zenger]

اولإ كف هم اختارو مسارك (( )) انت الي ترتب المسارات الي تبيها
تقدر توح للجامعة تقولهم ابي احول مسار علوم ادارية


راح يحولنك واسرع من انك تحول العكس

لن فية طلاب كثار يبون يحولون

علوم الادارية الى علوم التطبيقية

وايشي تحبه بتنجح فية


واي تخصص عرف نفسك بتجح فية له مستقبل .... الا الجتماعية والغة العربية مستقبلها صعب ودرسته سهلة

والى يقول البلد مهب محتاجة مدرسين غلطان الدولة محتاجة مدرين بس يكون كفاء عدد المدارس في السعودية قليل لكن حسب الله على الي كان اسباب

مهب يسقط في اختبار اختبار المقابلة ويقول وين الوظايف لنة يكن دخل الجامعة طلع منهاء ولا استفاد منهاى شي


والوظيفة تبي الي يتعب علشانها

مشكلة طلاب اثانوي ان مافي اح او شي

المفرض على كل نهاية كل عام دراسي يلق محاضرة
كيف اختار تخصوصك
التخصوصات الموجود في الجمعاد السعودية
وش متطلباتها وش مستقبالها
يتلم ان الجامعة غي اثانوي ويعلمنهم وش الفرق
طرقة التسجيل في الجامعات في طلاب مايدرون وش الجمعات الي في السعودية والتخصوصات
ويوزع علهم كتيب يكون موجود فية مشوح كل شي ويحطول الاسئلة المتوقع من الطلاب
:suspicion:
ونفس المشكلة لي الطلاب الي يتخرج من الجامعة
ميعرف شي عن سوق العمل
فية طلاب كثار يشتغلون وضاف اقل من كفادهم وشهاداتم

لن لا يوجد خبرة كيفية اجاد الوظيفة المناسبة لمستقبل ناجح
لن في شركات توظف الطلاب عنده خطى في فهم كفائة الطلاب
او مناحية اخر في اصتعباد في الموارد البشرية الشركات

[Nasser.A.D]

أقوى كليات جامعة الامام وبالسعودية هي الحاسب واللغات والشريعه هذي الثلاث تنفرد فيها الامام كقوة كلية
اما من ناحية الرياضيات بكل مسار تدرس الرياضيات الي تحتاجها
يعني لا تقارن ريض الي بالاداره مع ريض الي بالتطبيقي لان الصعوبه والمنهج جدا مختلف
أنت شوف مواد المسارين وبعدها شوف التخصصات وموادها وحدد ميولك أقرب لإيش
وبعدها شوف ميول الدولة ... الدولة اتجاهها ايش ؟
والله الموفق .. والرزق بيد الله

[أخت أخوها]

يعني العلوم التطبيقيه صعبه
انا انقبلت فيها واخاف احمل مواد واتقروش
وش تنصحوني فيه احول اداري
تراني ولد هههههههههه
المعرف مشترك

[Chemist.Samar]

^^

لا تقول صعب كل قسم له حقه , مافيه شي سهل والنجاح والتفوق مايجي بسهوله ,
كل شي يعتمد على إجتهاد الطالب وبما إنك دخلت للجامعه إنسى كلمة سهل !
يعني يزعمك لو تحول إداري يبي يصير سهل عليك يمكن العكس ؟ !
انت حدد ميولك بإي مسار حاب تدخله شف رغبتك وين
خذ فكره لكلا المسارين أولا
وشف التخصصات التابعه له , إطلع على الخطط تبع كل تخصص
من هنا انت تشوف وش يناسبك ,
ومثل ماقلت قبل كل شي محسوب يا لك او عليك
إحسب خطواتك مضبوط , عشان ماتخسر وتكون خطتك مرسومه وواضحه لك مو خبط لزق =) ,
أجتهد و لخص عمرك بـ ثلاث اشياء ( الرغبه - الوظيفه - إبداعك )
لأن الأبداع راح تخلق من قسمك شي مميز وتكون مرغوب من كل الجهات من حيث الوظيفه !

وموفق يارب

[صالح جاويد]

شوف انا من راي انك تدخل العلوم التطبيقيه ، انا خلصت تحضيري ذي السنه والحين الحمد لله انقبلت في الهندسه ، وعلى فكره مثل ما قالو الاخوان مافي شيء اسمه صعب ، بس نصيحتي لك اذا بتختار علوم تطبيقيه لازم تجيب معدل اقل شيء 4 او 3 ونص ، علشان تمشي اوضاعك ولا اذا بتجيب اقل من كذا تراك بتضيع ، بس شوف صراحه انا فكرت وشفت ان اختيار العلوم الاداريه مضمونه انك ما تطلع برا ميولك عرفت كيف وبس .


تحيآتي...