بالنسبة لتثبيت القبول

[عبدالمحسن الشطور]

السلام عليكم ،

يا شباب كيف تتم اجراءات القبول ؟ انا جتني رسالة الحين ويقولون لازم تحضر 18 رمضان او 19 رمضان ، علشان تثبيت القبول ، لكن وش اجيب معي ؟ وش المطلوب مني ؟ اجي هناك ببطاقة احوالي فقط ؟

وايضا بالنسبة للحساب البنكي لازم يكون في اي بنك ؟ وانا للحين ما فتحت حساب فهل يسمحون لي اجيب لهم الرقم بعدين ؟

يا ليت افادة من الاخوة المجربين ،

[القاطع]

أنا بروح بكرة أودي ملفي جب معك ثلاث صور من بطاقة الأحوال وشاهدة الثانوية الأصلية مع ثلاث نسخ لها وجب ورقة الترشيح وجب معك أربع صور وبس بس جبها في ملف علاقي

[Nasser.A.D]

ماتحتاج لصرافه ولا شي
هم يعطونك بطاقة صراف جاهزه والبطاقه الجامعيه بعد

[محمد الحاامد]

طييب يااخوان انا مرسل ملفي من زمان وتم ترقية رغبتي للاعلى هل يحتاج اني اروح اثبت قبولي ؟؟؟؟؟؟؟؟؟؟؟؟؟؟؟؟؟

[القاطع]

إذا كنت تبي الرغبة رح ثبت أحسن لك

[حربي المدينة]

^ طيف تثبيت الرغبه هم ثبتوها وخلاص ...

انا كنت ابي اجي الرياض بس قالوا لي لا يلزم حضورك .. بالرساله

+ من يعرف رقم القبول والتسجيل .. ياريت يكتبه لي .. هنا او ع الخاص

[عبدالمحسن الشطور]

يعطيكم العافية جميعاً

اليوم رحت لهم ، وقالوا مب لازم حضورك ما دامك ارسلتها بالبريد ، اللي يحضر هو اللي ما ارسلها بالبريد ، طاقها مشوار من جنوب الرياض لهناك واخرتها كذا

طيب المفروض يوضحون كذا بالرسالة ، كل اللي كاتبينه هو تسليم الاصول ، حسبتهم بيرجعون الاصل لنا بعد ما خلصوا منه ،