المساعد الشخصي الرقمي

مشاهدة النسخة كاملة : ما عندي صديقات في الجامعة



لا لا
17-09-2013, 04:04 AM
السلام عليكم ورحمة الله وبركاته ..
أنا طالبة مستوى أول في كلية الشريعة إنتظام واليوم كان أول يوم أداوم (قبولي توه يجي)
وعندي صديقات الثانوي في الجامعة نفسها لكن المشكلة كل وحده بفصل ووحده فيهم صادقت بنات غيرنا
واللحين أنا أبغى أكون صديقات جدد لكن مشكلتي أني أناظر البنات على أنهم أعداء لي يعني كأنهم ما يبوني :69:
أكيد بتقولون عني حساسه لكن وجيه البنات ما تهيىء لي جو أني أصادقهم دايم مكشرات حتى لو ابتسمت واذا جيت اكلم وحده
اسالها سوال تجاوب بسرعه وخلصنا وتروح مع شلتها .. طيب اصبري شوي انا ما ابي جوابك ابي اكون صديقات
ياخي والله يضيق صدري لاجت البريك وكل وحده وشلتها وانا مع نفسي .. اكره أقعد لحالي أحس أني نفسيه
و زيادة وحده من نفس محاضراتي ونفس كلش قلتلها ممكن اعطيك رقمي واتس اب او اخذه انا على اساس نتواصل بخصوص الجامعه والمحاضرات
ما دريت الا وهي تسلك لي ونحاشت :39: طيب اصبري شوي انا والله ما اعض والله نيتي زينه

وانا اللحين سؤال وياليت البنات اللي من نفس كليتي يردون علي!
أنتم كيف تصادقون بنات؟ انا عارفه اجي اتكلم واسولف بس وشلون أوضح للي أتكلم معاها اني ابينا نكون صديقات ؟
ثاني سوال:
ليش وجيهكم معبسه دايم؟ .. ابتسموا تبتسم لكم الحياة :74:


ياريت تردون علي ولا تجاهلوني لاني فعلا بحاجة المساعدة

فنجان قهوة
18-09-2013, 08:28 PM
ي عمري : )

أولاً الله يوفقج

ثانياً لا تستعجلين الصداقة تجي مع الوقت مو مسألة دقايق صرنا صديقات يالله بالطريقة هذي
التودد بناء الثقة العشرة والذكريات حذاري الاستعجال تراه يثير الريبة
وكل عام وأنتي بخير وع الجميع

البسمة
18-09-2013, 09:43 PM
وعليكم السلام ورحمة الله وبركاته
الله يسخر لك من خلقه أنفعهم لك دين ودنيا وأبرهم بصداقتك دنيا وجنة

أولا : هذي نصيحة أخويه صديقات الثانوي حلو تشوفينهم من وقت لوقت ,, بس مو زين أنك تلزمين نفسك بهم وهم بأقسام ثانية لا جداولكم زي بعض وأكيد وقت فراغكم بيتعارض ..

ثانيا : أحب أطمنك أنت حولك أحسن ناس, بس يمكن لأنك لسى بأول أيامك.. بنات الشريعة أخلاقهم وتعاونهم مارح تلقينه بقسم ثاني ..
أنا أعرف أكثر من وحده من مجرد سلام صارت مع الوقت صديقتي مع العلم اني مو شريعه! فلا تشيلين هم مع الوقت راح تتعرفين على قاعتك أكثر وتلقين بنات يصيرون اعز صديقاتك ..

ثالثا : الله يوفقك ويسهل لك كل شيء ..

Reina del Mundo
18-09-2013, 10:08 PM
ههههه عادي الصداقه تجي لما عندك :38:
من جدك شايله هم الصديقات طنشي الشي ذا :59:


ابي اقولك اول صداقه لي
كانت بخيمه:59:
اذا عملوا انشطه دوري خيمه ودخلي جواها يمكن يصير لك ماصار لي:38:

Chemist.Samar
19-09-2013, 05:13 PM
عادي وش المشكله مالك صديقات
بس انتِ عطيهم الثقه وبادري مثلا بالمساعده
وتجي الصداقه بدون ايي مقدمات
اذا عندكم قروب للكلاس بالواتس اب مثلنا
يعني يوينا قروب شمل الكلاس كله لاننا شويين وصرنا كلنا اصحاب وزملاء دراسه
وبس

N A D A
19-09-2013, 05:22 PM
الصداقه اسهل شيء راح تحصلينه لكن مو كل شخص يستحق انك تصادقيه،
الا إذا دراسه وبس ، اعرف كثير تضرروا من صحباتهم من تبلي وتشويه سمعه فإنتبهي!
اول صداقاتي كانت بالباص :)
والحمدلله كانوا افضل الاشخاص اللي عرفتهم.

L i L y
22-09-2013, 02:14 AM
حبيبتي الجامعة تدخلينها وحيده و تطلعين منها كل العالم أصدقائكم

روقي و بإذن الله مايخلص هالترم الا و عندك قروب =)

ذكرى الرياض
24-09-2013, 04:56 AM
انتي بادري وتعاملي مع البنات اما ب تقديم المساعده او الاستفسار منهم عن اشياء تخص دراستك
ومع الاخذ والعطاء.. بتعرفي البنات من خلال اسلوبهم واخلاقهم وتعاملهم وفكرهم وراح يرتاح قلبك لوحده منهم اكيد..
ومع كثرة الاختلاط والمساعده والاستفسارات مع الايام راح تحصلي صديقه لك..

ذكرى الرياض
24-09-2013, 05:01 AM
نصيحه قلبي.. لا تروحي لأحد وتقولي بصادقكك
يمكن تطلع مش كويسه.. ثم تنشبين فيها؟!

احظري للدورات والانشطه الي تقيمها الجامعه ب استمرار وسولفي مع الي حولك عن الي تشوفونه يعرض امامكم.. واذا انتهت الدوره قولي لها فاضيه.. نتمشى مع بعض ب الجامعه
وهكذاً .. اعملي ها الطريقه.. لين تجدين صديقه وفيه نصوحه مخلصه..

آيات
11-11-2013, 01:53 AM
حطيتي موضوعك واختفيتي ،، يعني القروبات مهمة جدا ( آخر من ينصح هنا أنا ) ،، عن نفسي على وشك تخرج تلقيني اغلب وقتي لحالي وقديما قبل يتخرجون صديقاتي قليل مااقعد معهم ،، يعني إذا أنتي مرتاحة بهالوضع لاتضغطين على نفسك وتدورين شلة ،، لكن بيوم نوعا ما كنت اجتماعية نوعا ما مو مثل الحين وضيعت جميع المرونة واللياقة الاجتماعية وآخرها قبل فترة سويتلي اختبار فكنت صفر بحياتي الاجتماعية وأحاول الحين ارجعها ومهمة هالحياة الاجتماعية لها تأثيرها النفسي وكذلك حتى بنقاشك مع أستاذتك راح يتأثر بضعفك الاجتماعي وبتضيعين حقوقك من مناقشة عن الدرجات والتكاليف والتقدم بالمادة وهالكلام ،،
وحلو ماتضغطين على نفسك وتجالسين ناس ماترتاحين لهم ،، وأسويها اقعد مع بنات ماارتاح لهم وفعلا تطلعلي البنت بسلوك بعيد تماما عن اللي ارضاه في صديقاتي ومايعني صديقاتي مافيهم عيوب ومفصلين مثل ماأنا ابغى لكن مايكونون صفر من الأخلاق والتقدم العلمي أو بمعنى اصح تحت الصفر ،،

واعز صديقاتي كنت اطالعها وفيه مثل مايقول المصارية كيميا بينا مو طبيعية ،، وهي من نفسها بنفس اليوم تناديني وانا طالعة تقول بطلع معكم وقطت نفسها معنا وافطرت معنا ،، ومع الوقت كنا نسولف كيف تلاقينا وهي تذكرنا إنها قطت وجهها معنا بالغصب الله يسعدها ،، وفعلا كان بيننا أمور كثيرة مشتركة ،،



الله ييسر لك الصحبة الصالحة ،

سآيلنت
25-11-2013, 09:46 PM
ههههههههههههههههههههههه ي حياتي ي زينتس بس ليتس ب قسمنا

Asma _ cs
29-11-2013, 11:54 AM
اول شيئ العلاقه ايام الجامعه تسودها المصلحه اذا عندهم مصلحه عندك بيصيروا عسل معاك ... خليكي جاده وفي نفسك واحرصي على موادك واتركي عنك الصداقه وتضيع الوقت للعلم انا لي صديقات وكنت اسحب عليهم طبعا استاذن منهم بطريقه لبقه واروح بالبريك للاساتذه بالساعات المكتبيه او اجتمع مع البنات اللي انا داخله معاهم بحوث ومشاريع كنت انا وصديقاتي نجتمع مع بعض كل فتره وفتره وكان يسود لقائنا الشوق كلنا مشغولات وعاذرين بعض .... للعلم كنت اجلس احيانا لوحدي اراجع للاختبار واحياانا اجلس قدام كليه الحاسب اتامل البنات وافطر بكل هدوء وبعيد عن الازعاج ... الصداقه ليست مهمه ... وصديقيني الشلل اللي تشوفينها بالجامعه بينهم مشاكل ونميمه الله مريحك عنها ... اصلا اذكر لما صرت بالمستوى الاخير الكل ماشي لوحده مشغول بنفسه

Asma _ cs
29-11-2013, 12:08 PM
^^ كنت احيانا اجلس مع البنات اللي اكبر مني بمستوى علشان اخذ اغراضهم وملفاتهم وكنت احيانا اشتري كبتشينو واروح للمعامل اجلس على النت كنت اقضي وقتي بالف طريقه ما وقف عمري على صديقات يمكن يرجع لشخصيتي استقلاليه وما احب الارتباط باحد النقطه المهمه الضروريه انكم يا الشعبه كامله لازم تعملوا قروب على الواتساب علشان تساعدوا بعض

Asma _ cs
29-11-2013, 12:12 PM
^^^من الاشياء اللي اذكرها بالجامعه كانوا فيه بنات مو اجتماعيات ابد ابد ما يعرفوا يتكلموا وهذا ابسط شيئ بالتواصل مع المجتمع كانوا يجلسوا بالقاعه يفطروا ويجهزوا اغراضهم استعدادا للمحاضره بالاخير اذكر البنات هذولي صاروا صديقات وطلعوا الاوائل على الدفعه :)

لا لا
18-12-2013, 12:24 AM
شكراً لكل من ردت علي وجزاكم الله خير على نصايحكم,,
أن شاء الله تفيدني مستقبلاً,,

الاصيل
21-12-2013, 02:49 PM
ههههههههههههههههههههههههههههههه


موضوع تحفة بصراحة

تبين الصدق أنا قعدت يمكن سنتين بدون صداقة حقيقية في الجامعة ، لأن مو أي واحد يعجبني ، مدري وش فيني من يومي صغير ما أصادق أي أحد !!

و بعد ثلاث سنين تقريباً بالجامعة تعرفت على شلة قصمان مثلي وبصراحة استانست معهم واللحين لي 6 سنين متخرج ولا زلت اتواصل معهم لكن غالبية تزوجوا وانا عزوبي لذلك صار التواصل قليل ..

بقولك شغلة ، أنا لي علاقات مع زملاء الدوام كثيرة جداً والحمد لله إني محبوب وكثيرين يعرضون علي طلعات و كشتات وسفريات ، حتى بعضهم من كثر ما يعرض علي اصابه الملل ويحس اني اصرفه ...!!

ترى الصداقات ومحبة الناس لها ضريبة ...لابد تكون حبيب ومحترم وترضى بالمزح وتخدم الناس .. والمحبة من الله عز وجل ...

تبين الصراحة ..الحريم ما يحبون اللي يعطيهم وجه باللحيل خليك ثقيلة شوي ...وتشوفين الصداقات بالهبل ..

طيب بقولك شي ثاني

تصدقين قبل شهر رايحن للبحرين بلحالي وقعدت يومين من أسعد أيامي !! لاني معود نفسي على الوحدة ..مهوب لازم يكون معي أحد !
وناوي أروح قريباً إن شاء الله ..



باقي كلام اقوله لك اذا رديتي على كلامي فوق :)

لا لا
25-12-2013, 02:15 AM
ههههههههههههههههههههههههههههههه


موضوع تحفة بصراحة

تبين الصدق أنا قعدت يمكن سنتين بدون صداقة حقيقية في الجامعة ، لأن مو أي واحد يعجبني ، مدري وش فيني من يومي صغير ما أصادق أي أحد !!

و بعد ثلاث سنين تقريباً بالجامعة تعرفت على شلة قصمان مثلي وبصراحة استانست معهم واللحين لي 6 سنين متخرج ولا زلت اتواصل معهم لكن غالبية تزوجوا وانا عزوبي لذلك صار التواصل قليل ..

بقولك شغلة ، أنا لي علاقات مع زملاء الدوام كثيرة جداً والحمد لله إني محبوب وكثيرين يعرضون علي طلعات و كشتات وسفريات ، حتى بعضهم من كثر ما يعرض علي اصابه الملل ويحس اني اصرفه ...!!

ترى الصداقات ومحبة الناس لها ضريبة ...لابد تكون حبيب ومحترم وترضى بالمزح وتخدم الناس .. والمحبة من الله عز وجل ...

تبين الصراحة ..الحريم ما يحبون اللي يعطيهم وجه باللحيل خليك ثقيلة شوي ...وتشوفين الصداقات بالهبل ..

طيب بقولك شي ثاني

تصدقين قبل شهر رايحن للبحرين بلحالي وقعدت يومين من أسعد أيامي !! لاني معود نفسي على الوحدة ..مهوب لازم يكون معي أحد !
وناوي أروح قريباً إن شاء الله ..



باقي كلام اقوله لك اذا رديتي على كلامي فوق :)




أولا بقول للجميع شكراً. السالفة مر عليها ترم كامل. والحمدلله عندي صديقتين وحدة صرنا انا وياها قريبات. وثانية علاقة زمالة. ولا انسى صديقات الثانوي اللي ذاكرتهن ببداية الموضوع. وبغير قسمي بالجامعة لان بنات القسم كله عرفوا السالفة بس ما عرفوا انها انا! فحتى أقطع الشك باليقين قررت أحول للقسم ثاني أنا أبيه! فآرجوكم إما تنصحوني وإما تتركون الموضوع آرجوكم أنا ما فتحت الموضوع عشان تنتشر السالفة بكل قسم والله إنحرجت وأنا من النوع اللي ما يحب ينذل للناس ويعطونه الناس نظرات شفقة. أنا حطيت نفسي مجهول لأني بحاجة المساعدة والتشجيع. فميحتاج السالفة تنسرد بكل مكان.

وأنا مثلك يا أخي ما أصادق أي أحد صار عندي عقدة من البنات. يمكن أسولف معاهم يمكن كلمة كلمتين بس مو أي بنت أروح لها وأصادقها. ويمكن عشاني بديت اداوم متأخر وفاتت علي فرصة تكوين صديقات من البداية. فرضيت بصديقة وحدة مع أني معهودة أيام الثانوي بشلة وما تعودت الا مع شلل فصار صعب علي أكون لحالي.

ولا تقارن النساء بالرجال. الرجال يحبون الضرب والضريب ومزحهم ثقيل بس تلقى قلوبهم صافية .. سهل التعامل معهم بعيد عن بنيتهم الخارجية كونها قوية بس داخلهم لما تصادقهم ما عندهم حركات خيانة وتسليك زي اللي عند الحريم ولا حسد ولا انتقام .. لو يصير شي عندكم يالرجال تضاربو وبعدين انتهت السالفة .. حنا الحريم التلاعن بالالسن ويسببن تفريق الجماعات .. فلا تلومني إذا استصعبت الصداقات مع بنات مثلي ..

وأنا بطبيعتي ما أحب أقعد لحالي أببدداً حتى ببيتنا لو أروح أقعد عند الجيران ما أستحمل الوحدة! أحب يصير عندي جو أقارب وناس حوليني مو بس أجلس أتفرج على الناس قروبات وانا قروب مع نفسي!
وأقولك أني ما أتحمل المزح أبداً .. خصوصاً لو صار ثقيل ممكن أقطع علاقتي مع الشخص المازح بسببه!
وصديقاتي حقات الثانوي ما يحبن لا الطلعات ولا التمشيات مع العلم أن أهلي يشجعوني أصادق بنات يروحون للكافيهات والمطاعم بس أنحرج لما أقولهم أن صديقاتي ما يحبون هالطلعات والوناسة بس يحبن قعدة البيت! فعشان كذا أحاول أغير نوعية البنات اللي أصادقهم بعد ويمكن هذا الشي اللي خلاني ما اعرف اصادق بنات غير طينتي!

حكاية فرح
30-12-2013, 11:54 AM
قريت موضوعك مع اني منهكة جدًا وراجعه مرهقة من ذا الجامعة زحمتها :(
بس تمنيت شي واحد
اني ارجع لأول ترم وآول مستوى واسطّح علاقاتي وماصادق احد :(
لاثانوي ولاغيره اريح لراسي ياخي ..
المهم ربي يرزقك بأجمل صداقة وأجمل خوات وصداقات تمر ايام وتكون عشرة عمر
وناس تثمن بالقلوب الصافية كل شي طيب ان شاء الله.
وربي يسخر لك عبادة اجمعين ياربي ()"

NODETA
14-09-2014, 05:31 PM
يا شيخة احسن لك ، وبعدين انتي مثلي حاولت كذا مرة اكون صداقة بس حاسة نفسي اني افشل يجي موضوع سخيف ويخرب العلاقة احس اني طفشت ، حلو الصداقة كذا تجي من نفسها بدون تخطيط يعني ما تحددين انتي بتصادقين مين


ونصيحة، كوني علاقات سطحية ورسمية لا تتعمقين وبعدين تنصدمين طبعا ما اقول لك هذا الكلام الا من واقع تجربة ..

موفقة يا رب والله يسخر لك صديقات كويسات ويكفيك شرهم يا رب $:

F.B.I
06-10-2014, 08:37 AM
الصداقة ضرورية في الحياة الجامعية

اذكر من اخطائي ايام الجامعة كنت معمتد على صداقات الثانوي وكنت تقريباً مطنش إني اكون صداقات في الجامعة وفي آخر الاترام بدأ زملاء الثانوي ينشغلون بزملاء الجامعة وتقريباً انا الوحيد اللي اهملت جانب تكوين صداقات مع زملاء الجامعة وعانيت كثير ..

أهم شي الواحد وقت مايختار صحبة يختار اللي يرفعونه معاهم فوق .. صديقك إذا مااضاف لك شي فصداقته عبئ عليك

أورورا
13-01-2015, 09:15 PM
تلقين ان شاء الله

مروة زابدن
16-01-2015, 11:28 PM
رائعععععععععععععععععععع

محمد الجفين
21-01-2015, 01:37 PM
الصداقة تتكون مع الأيام ولا ينبغي الاستعجال في تكوينها مع أي أحد قبل معرفته معرفة تامة حتى لا تضيق ذرعاً في المستقبل بهذه الصداقة
أسأل الله لك التوفيق

AMAL.S
29-01-2015, 04:23 AM
راح تلقين ان شاء الله صديقات يحطونك بعيونهم
اول شيء اهتمي في شكلك ونظافتك ترى صدق نظافة الوحده تقرب منها الاشخاص و تحبب الناس لها و العكس صحيح وانا متاكد انك ان شاء الله ما عندك هل مشكله
ثاني شيء ممكن تكسبين صديقات عن طريق القروبات يعني اذا دخلتي مع قروب حاولي تقوي علاقتك فيهم سولفي ابدي رايك لين هم ما يتعلقون فيك ومع الوقت بقولون لك تعالي
لا تفرضين نفسك على احد ابداا
تقدرين في بداية الترم تتعرفين لك على صحبات دايم تلقين ناس مثلك لحالهم صدقاتهم في شعب ثانيه استغلي هذا الشيء وقوي علاقتك فيها
وادعي ربي دايم انه يرزقك بصحبه الصاقه

MSHKLTK
15-05-2015, 07:05 PM
انا جاي متاخر بس تدخلين القاعه وتتعرفين ع طالبات

والله يوفقك ي رب

mohsn_
09-08-2015, 09:33 PM
اواجه نفس المشكلة

الفريدة للتسويق
31-05-2018, 07:23 AM
مششششششششششششششششششششششششششششكور