المساعد الشخصي الرقمي

مشاهدة النسخة كاملة : قصتي مع بطاقة الخروج ومسئولينهااا



بنت الـ ع ـساف
29-09-2013, 03:05 PM
السسلام عليكم ورحمة الله وبركاته
طبعا حابه اسرد لكم قصتي بسالفة بطاقة الخروج
وعطوني رايكم في المهزله اللي قاعده تصير اللي كلمن هب ودب واللي يسوا واللي مايسوا يحط قرار من رااسه

اختي بفرع الملز طلعت البطاقه ويبدا وقت الخروج من 7 ونص وجت امي الله يعافيها وجابت كل الاوراق الرسميه وضبطتها لها ولا يحتاج ولي امر يروح قسسم الرجال ويصدق ولا شي

نجي انا بفرع الملك عبدالله

والاخت ابتسام العبدالكريم والاخ ابراهيم الدورمي مدري الدودمي وباقي مسئولات الخروج يتشاطرون على الطالبات

طبعا قلت لهم بتجي امي تجيب كل شي رسمي قالو لا يجي ولي الامر لمبنى 222 للدورمي هذا صعبوها قلت ميخاااااالف
شوي قالو لي وترا الخروج على حسب الجدول قلت شلون على حسب الجدول قالت الساعات قلت واذا تعبانه قالت تروحين للطبيبه وتعطيك ورقه
قلت واذا اعتذرت الدكتوره او غابت او او قالو تروحين لاشراااف القسم :69: يعطونك افااده ونخرجك
لان نبي نحد من خروج الطالبات
ماصار خروج هذا
طيب هي راااضيه واهلها راااضين انتم وش دخلكم ..؟ هي ماتبي تحضر
قلت الحمدلله والشكر الناااس وصلت للقمر وانتم كل فرع له قرار
والله ماخبرنا المحلات اللي ادارتها وحده تفرق اسعارها من منطقه لمنطقه
الا هالجامعه المتخلفه << مثال هذا :68:


طبعا هذا غيــــــــــــــــــــــر اذا اختك الكبيررره تبي تطلعك
لازم تكون ام عيااال ههههههههه والظاهر لازم تجيبين صك الزواج بعد
اختي وجت تاخذني انتم ماعليكم مسئوليه لان اختها جت واخذتها وطلعت من مسئوليتكم :69::69:

الزبده هل في مسئول ثقه ورجااااااال نقدر نتوااصل معه بسالفة الخروج ..؟
ويحل لنا المهزززله اللي صااايره


ما اقول الا الله يخرجنا على خير ياااارب
ونفتك من هالجامعه وهبالها
وحسسبنا الله ونعم الوكيل

ربى صالح
05-10-2013, 02:01 PM
صارت لي مره واعتذرت الاستاذه من 9 وربع لين 12 الا ربع وانا قاعده فاضيه والسواق برا كل هذا عشان مافيه محرم ولا بعد طلعت بطاقه خروج ،،
وغيره جمعت اوراقي وقلت لأخوي يروح لم الدومري اللي ختمه اهم من اذن ابوي لي في الخروج للأسف ويرجعه عشان لازم اطبع الجدول والجدول ما كان من ضمن الطلبات الغير منتهيه ،،
في بدايه الترم هذا اللي هو اسبوع الجداول رفضو يطلعونا في مبنى الحاسب واصول الدين مشينا لمبنى التحضيري من عند الجسر قلت للأمن اني طالبه ماجستير وقالت خلاص اطلعي:69:،،

وغيرها كثير من الاشياء اللي ترفع الضغط
الخلاصه
اذا البنت ماعندها محاضرات ليه ترتبط بوقت محدد للخروج
وليه يبون يحدون من خروج الطالبات مو البنت اللي ماتحضر محاضراتها ينزل لها حرمان كل وحده مسؤله عن نفسها

أنشودة المطر
05-10-2013, 02:18 PM
بصراحة...

تكيفت مع الوضع لانه خلاص مابوه الحتسي فايدة >> قوانين من جهة عليا مالنا الا نقول: تم !!

وبعدين.. بصراحة كنت متأزمة في بداية الامر لكن بجد حسبتها براسي فقلت ويش لي بوجع الراس !!

علما بأنه خروجي ودخولي مع اخوي .. بس مثل ما قلتوا مشكلة لزمة التوقيت يعني:

لو اعتذر دكتور مادة ما لاخوي .. وصادف ان اللي عندنا متغيبة!!

فمعناته ما اطلع ببطاقة الخروج لازم تحويلات لجهة وجهة حتى يكون لي اذن بحكم انه مخالف للتوقيت الاساسي

لذا اعترف انه حوسة بس يلا الله يجزاهم خير لانهم في النهاية مبدأهم موب تشدد ووو بقدر ما هو حرص ومحافظة للطالبة ايا كانت ماستر دكتوراة جامعي تحضيري ...

اعترف انه هالشي الزمت نفسي به لأجل اتكيف مع الوضع .... والحمدلله صار الامر ما يفرق معي ... هذا وهو اخوي موب سواق ولا غيره ....


الحياة جميلة لكن لا تدققون في السلبيات مشوا مشوا بقد ما تقدروا (:

وسلامتكم ربنا ييسر ويعين ^_^