المساعد الشخصي الرقمي

مشاهدة النسخة كاملة : مهزلة مشرفين الباصات .. إلى متى ؟؟



حياتي رواية أمل
01-10-2012, 03:38 PM
بسم الله الرحمن الرحيم

السلام عليكم ورحمة الله وبركاته

إلى من يهمه الأمر

والمسؤول عن مشرفين الباصات

كنا نشتكي من السائق

لكن صارت البلوى بالمشرفين

حي العريجاء له ثلاث باصات : 31 ، 230 ، 2
ويمكن فيه زيادة ما أعرفه

والمفترض كل واحد له منطقة

المشرفين ملخبطين الدنيا

فصاير باص يركب بنات مو تبعه

وهاك يا تأخير الظهر*

ناس وراها بزارين

ناس وراها أهل ومرضى

وناس وناس ..

قدرو إذا أنتم رجال وعادي تفرفرون الرياض بعز الشمس*

وتتأخرون عن البيت

احنا وضعنا غير !!

انتم مهمتكم تنتهي برجعتكم للبيت حنا لا !

نكلم مشرف نقول له معنا حي كذا :

واحد يقول لا مو تبعكم المفروض ما يوصلها

الثاني يقول اذا بطاقتها مكتوب رقم الباص يعني تبعكم !!!!!!!!!

الثالث يوعدنا ، وما نشوف شيء !!

والرابع ينافخ

واذا السائق تكلم هاوشوه

بالله ايش فايدة المشرفين إذا مايعرفون الأحياااء ؟؟؟

باص للعريجاء الغربي خاص*

يجي المشرف يركب طالبة منه مع باص العريجاء الوسطى

وياويلك تعترض يالسائق ليه ؟؟؟

يشتكون بنات على سائق إن سواقته بطيئة وسيئة

يجي يشاور ويقول لا تقطعون رزقه تظلمونه ، كيف سواقته ؟

ش يعني تبي نقول اووه حرام مسكين خلوه

طيب قالوا البنات كذا ، واستمر السائق معنا

احنا ياللي بيوتنا بالأخير انظلمنا !!

نوصل الجامعة الفيوز ضاربة من سواقته اللي تجيب الهم

وكل ظهرية لازم موال فلانة مو تبعنا

المشرف يقول تبعكم و.... الخ

ثم ناكل هواء ونفرفر بشوارع الرياض*



الى المسؤول عن المشرفين

شوفوا حل معهم ، غيروووووهم لأنهم مايفهمووووون شي بالأحياء

ومشكلتهم أزلية ، يعني كل مهمتهم بالورق اللي معهم

لو تغلف حراري وتعلق على الجدار وكل وحدة تشوف حيها اي باص وتركب

صار المشرفين صفر على الشمال

حتى الصفر على الشمال ياخذ خانة احيانًا ،

المشرفين مع الورق يضيعون !! اسكن غرب الرياض

يركبني مرة مع باص اقصى الشمال !!

اساله حي كذا اي باص ؟؟ كل ما عدت السؤال يغير الاجابة !!!!!!!

وياليت تسوون سعودة لهم + تكنسلون الشياب
ولو يحصل سعودة سائقين نكون لكم شاكرين ..




( فرع الملز )

صمت الخواطر
01-10-2012, 11:08 PM
آللــــــه يكـــوون بعــــووونكـــــــم....

حياتي رواية أمل
03-10-2012, 04:49 AM
امييييين يا رب


شكرًا لمرورك

سُـقيا
03-10-2012, 06:57 PM
الله ييسر الامر
الباص أساسا معاناة فكيف لو فيه حوسة ولخبطة :/

جربوا ترفعون خطابات لمسؤولين أعلى

L A T O O F
04-10-2012, 02:55 AM
+



اذا هيك فِ ظلم اساس الجامعةة لكل حي باص خاص واذا كان الحي كبير شوي له كذا باص وماتركب بنت مخالفةة للباص تبعها !

كلمو مسؤول النقل مدري مدير النقل وخبروه عن هالشيء وجمعوو بنات وآحكي له وان شاءؤ الله بيشوف لكم حل ..!

حياتي رواية أمل
04-10-2012, 04:29 AM
الله ييسر الامر الباص أساسا معاناة فكيف لو فيه حوسة ولخبطة :/
جربوا ترفعون خطابات لمسؤولين أعلى

مين المسؤولة عنهم ؟؟
لان تعبنا خلاص ماعاد تكلمنا
واللي يزيد الطين بلة
معنا بنات انانيات
نقول لها انت تبع باص كذا يوصل حارتك
تقول انا هنا من كذا سنة
وابي هذا الباص مارح اغيره !!!
حسبي ربي منها ومن المشرفين ومن كل مسؤول عن حوسة الباص



+

اذا هيك فِ ظلم اساس الجامعةة لكل حي باص خاص واذا كان الحي كبير شوي له كذا باص وماتركب بنت مخالفةة للباص تبعها !
كلمو مسؤول النقل مدري مدير النقل وخبروه عن هالشيء وجمعوو بنات وآحكي له وان شاء الله بيشوف لكم حل ..!

وين يكون مدير النقل ذا ؟؟
لان يوم اسال السائق مين المسؤول عنهم قال فلان ،
من ضمن المشرفين اللي ماعندهم ماعند جدتي
كل يوم اتعب فيه من هالباص او اتاخر ادعي على اللي متسبب
لان صجينا العالم بشكاوينا من الباص
وكل واحد يعاند او يتفلسف بجهة

physics 2010
04-10-2012, 02:09 PM
تذكررت سالفةة زوجة زوجي يوم تقول : تطاقوا المشرفين والسواقين بالعقل :|

وهالمشكلة الأزلية متى تنقرض ؟!

الله يتوب علينآ بس !

قسمم ان مابهم زود !

عبيرر
04-10-2012, 03:06 PM
انآ رحت عطيتهم ورقتي عشآن يعطونن بآص ببدآية الترم عطون بآص يودي لشرق الرياض وانا ب الشمآل :)
نكبونِ ! يعني حتى ورقتي والكروكي اللي راسمته ما قريتوه ! ليش تطلبون البيآنات من الاصل اذا منتم بقارينه =)) ؟
ولا زود المشكلة اللي تسوي زحمة بالباص جايبة صديقآته تضيق علينا وينزلون بنص الشارع مع اهلهم والا سوآقهم
ضيق وحر و قرف !

حياتي رواية أمل
05-10-2012, 07:44 AM
مس فيزكسايه هذوليك تبع المريشد ويوم بدا التغيير بالمشرفين ،،عبيرراما اللي يوقفون الباص بالشارعوالباص ماعنده نية يفهم ويبطل هالحركةهذولي شي ثانيتخيلي تقومين من صباح اللهوتتجهزين بسرعةثم يتاخر عليك الباص ~> ينتظر بنت تطلع لكن ماطلعت وضيعت الوقت فقطثم تركبين الباص ،فجاة الا وهو ملبق على جنب وينتظر خمس دقايق هذا اذا ما صار اكثر !ينتظر حضرة جناب الست هانم توه صحت وتلبست وجاية بالسيارة !طيب يوم صار عندك سيارة خليها تجيبك الجامعة مرة وحدةاو انتظري الباص قبل يوصل مكان الاتفاقاو قومي بدري حالك حال غيركلكن تتاخر وتاخر غيرها وقممممة بالانانيةوبعد مو يوم او اثنينديدن لهاوالظهر تاخر الباص خمس دقايق ويمكن اكثروتجي لك معها كيسة اكل !اشتري بدري يا ماما ، مو تاخرينا بالحرعشان ترفهين نفسكالبنات ذولي اللي مدري كيف يفكرون بالباصات لو اتكلم من اليوم لبكرا عنهم ما يكفيومهما تاففت او لمحت او صرحت ما يفهموووون

la dorn
18-12-2012, 11:37 PM
وين اخوانكم او ابوكم ياخذونكم من الجامعة ؟؟؟؟ ليش تركبون الباص !!

حياتي رواية أمل
19-12-2012, 04:15 AM
^^^



(:

(:

(:

Katyusha
20-12-2012, 03:09 PM
الله يعينكم

أحمدوا ربكم بس انكم ما تسوقون أنا السواقه تستنزف نصف طاقتي اليومية من بعد ما انفجر الكوبري حق شاحنة الغاز وأنا متعذب لما أرجع البيت أخذ ساعه ونص :( زحمة وقلة حيا

لا وفية بعد مشكلة المواقف لها كم يوم بعد ما شبكوا نص مواقفنا وخلوها محد يلبق فيها ما ادري ليش! مشعل وانا ما ادري -_-

ولله لو مو عيب كان جبت سواق أنام وانا رايح وانام وانا راجع :witless:

الا عندي سؤال الحين الباصات اللي مكتوب عليها جامعة الامام مجانا ولا بفلوس اذا كانت بفلوس غيري الباص وروحي مع الباصات الصغيرة

مسطره
20-12-2012, 03:29 PM
طيب انا شقول ؟ انا اقرب بيت من بنات الباص كله بيوتهم ابعد من بيتي بكثير
اول وحده يركبها الصباح ويلف فيني لما اروح فيها ونروح للجامعه والمفروض انا اخر وحده اركب معاه لان بيتي اقرب للجامعه منهم كلهم
والظهر العكس ينزلني انا اخر شي واذ قلت له قال مالي دخل النظام والنظام ابي اروح لمشرفين الباصات اقول لهم بس تحطمت من كلامكم عليهم شكل مافي يدهم شي

حياتي رواية أمل
20-12-2012, 08:41 PM
كاتيوشا
انا افرفر بالباص ساعتين
ولا اقدر انام
لان سواقة الباص تحتاج تتمسك
واوقات تتشهد وتسال الله حسن الختام

مسطرة
تراه غلطان
النظام ان اول وحدة تركب اول وحدة تنزل

حفصَة.
27-01-2013, 08:57 PM
الشكوى لله ,
بداية الترم الأول كان باصي من أحسن ما يكون! على الأقل كان مايتعبني 1 ونص أوصل البيت!
بس غيروه كذا من غير سابق إنذار!! وحطونا مع أحياء ثانية بقلع وادرين وتحوم كبدي ما وصلت البيت ووصلني آخر وحدة! وصلت البيت على أذان العصر الساعة 2 ونص وخمس!
ركبت معاه يوم وحلفت ما أركب ثانية .. حسيت بدوران مب طبيعي والله ماعاد أركب معه ") وياربّ ألقى على الأقل باص خاص .. المشكلة مرة قريب بيتي للجامعة :( الله يعيييين
*المدينة الجامعية*

فراشه الشرقية
28-01-2013, 06:10 AM
الله يكون بعونكم :(
الصراحة الباصات مشكلتها عويصة
قبل لمن كنت ادرس كل يوم هواش مع السواق
بسبب انه كل صباح يصدم سيارات
:( ولاااه المشكلة يصدم سيارات الناس الصباح وياقلبي عليهم مايردون
يصدم ويمشي كانه ماسوا شي ((( لاتعليييق
والحمدلله تخرجت ب سلام
وعقبالكم ان شاءالله تفتكون من هالغثاء

طموحه~
29-01-2013, 05:12 PM
جربوا الشركات راحه اكثر من الباصات الحكومية
وبالكثير 10 بنات معه ومن نفس الحي بيكون
ادفع فلوس واستريح ولا اتمرمط..
وحتى لو صار فيه عطل تقدرين تطلبين من الشركه عذر على التأخير وكذا
وماراح يتغير السواق +محد يقدر يركب زياده مثل الحكومي
----------------------------------